12.3 C
Berne
lundi 27/05/2024

Gjykatësja e parë me shami në New Jersey betohet me dorën mbi Kuran

Juristja amerikane me prejardhje siriane, Nadia Kahf, është emëruar gjykatëse në Gjykatën Superiore në New Jersey të Shteteve të Bashkuara, duke u bërë gjykatësja e parë me shami në këtë shtet të ShBA-së.

Juristja për ligjet e familjes dhe imigrimin u betua të enjten me njërën dorë të vendosur mbi një kopje të Kuranit, sipas faqes lokale të lajmeve, “North Jersey”.

Ajo do të shërbejë si gjykatëse për distriktin Passaic në Gjykatën Superiore, pasi guvernatori i Jew Jersey-t, Phil Murphy, e nominoi atë para një viti, sipas medieve lokale.

Edhe pse zonja Kahf nuk është gruaja e parë myslimane që shërben si gjykatëse shtetërore, ajo është e para grua me shami që do ta ushtrojë këtë detyrë.

Nga viti 2003, ajo ka qenë pjesë e bordit të kapitullit të New Jersey-t në Këshillin për Marrëdhëniet Amerikano-Islame, organizatë myslimane për të drejta civile, ku Kahf tash është kryetare.

Ajo është edhe këshilltare ligjore në agjencinë për shërbime sociale dhe kundër dhunës në familje, “Wafa House”, dhe kryetare e Qendrës Islame të Distriktit Passaic.

Derniers articles