2.7 C
Berne
jeudi 1/12/2022

Femrës t’i sigurohet ‘hisja’ e saj me forcën e ligjit

Shkruan: Mustafe BAJRAMI

Kohëve të fundit në Kosovë është folur mjaftë për të drejtat e gruas si dhe për ofendimet që po i bëhen asaj nëpërmes ngacmimeve seksuale.

Përveç në rrjetet sociale, debati për këtë çështje u shtrua edhe nëpër disa emisione televizive.

Megjithatë, mendon Mustafë Bajrami, kjo nuk është e mjaftueshme. Sipas tij, në shoqërinë tonë vazhdimisht flitet për të drejtën e femrës në trashëgimi, porse askush nuk merr iniciativën konkrete që ajo të bëhet normë e pakapërsyeshme e shoqërisë sonë.

Për më tepër, Mustafë Bajrami ka përmendur edhe prijësit fetarë të cilët ligjërojnë dhe ngritin zërin për atë se si feja islame i garanton femrës të drejtën për të trashëguar. Mirëpo, thotë ai, ata vetë nuk e praktikojnë atë që e thonë nëpër xhami.

Nëse Zoti ua garanton atë të drejtë, kush jeni ju që ua ndalni dhe ndaloni atë“, ka pyetur Mustafë Bajrami

1. Qohet shqipja, dikur komunist i regjur, tash vetëm ateist e profesor, i marton vajzat, pastaj ua ndanë tokën e pasurinë djemve ndërsa vajzave nuk ua ndanë asnjë cent. Po i njëjti vazhdon të shes “drejtësi” duke thënë se ma mirë sa të jam gjallë ta ndajë pasurinë që t’mos u lë evladëve bela. Në të njëjtën kohë, bërtet sa mundet se feja (islame) e diskriminon femrën, dhe se, feja na ka lënë prapa. E ky njeri që ka emër e mbiemër kurrë asnjë dispozitë të fesë islame nuk e pa praktikue!

2. Qohet hoxha me nam, i cili di shpesh me “kallë e me tranue” xhematin me ligjëratat e tij, duke bërtitur nga mihrabi e duke thënë se Islami është fe e barazisë, e drejtësisë, e këndej, vajzave të tij su ka dhënë asnjë cent kur e ka nda pasurinë!

3. Qohet prifti e na tregon për dashurinë ndaj Krishtit, ndaj kombit, ndaj atdheut e ndaj Skenderbeut, plus, flet për madhështinë e Shën Terezës, a këndej as ky, kurrë asnjë cent sua ka nda vajzave të martuara kur e ka nda pasurinë!

4. Qohen intelektualë të cilët janë të zhurmshëm duke bërtitur (rrejshëm) për barazi sociale, duke kritikuar politikën e duke folur në favor të drejtave të gruas, a këndej, as këta asnjë cent nuk ia kanë ndarë vajzave të tyre kur janë martuar!

Atëherë, kush është fajtori këtu, feja, mendësia shqiptare, ligji apo kush?

Propozoj që organet kompetente të vënë një nen në aktin e martesës dhe ty pyetet vajza: A pajtohesh që me vullnetin tënd të lirë po heqë dorë nga pasuria e cila të takon ty, dhe e cila po mbetet tek prindërit, vëllezërit dhe kunatat e tua.

Bile, kisha propozuar që fillimisht aty-për-aty të ndahet hisja e saj, e pastaj ajo me vullnetin e lirë ose ta merr më vonë apo ta lë tek vëllezërit dhe kunatat e saj.

Qeveria e tanishme e ka këtë fat të madh të veprojë në drejtim të mbrojtjes me ligj të së drejtës së fermës në momentin kur ajo nënshkruan aktin e martesës. Jo si e drejtë, por si detyrim në vepër. Qeveria do të mbetej në histori për të mirë, nëse merr një vendim të tillë.

Vetëm kështu mund të vetëdijesohet ky popull, dhe vetëm kështu del në shesh se kush saktësisht është fajtor pse vajzave shqiptare nuk u jepet hisja kur të martohen, përkundër shumë kombeve tjera që ose ua ndajnë sipas parimeve fetare, ose sipas ligjeve sekulare në fuqi…!

Derniers articles

Në Kosovën e lirë, pas luftës u vranë mbi 30 femra. Shifer kjo e madhe, sikur « burrat » i kanë shpallur luftë grave shqiptare?!

Prishtinë, 1 dhjetor -Mbrem ne kyreqytetin kosovar ne Prishtine ka ndodhur nje vrasje makabre, ku burri vret gruan shtatëzënë, nje dite para lindjes. Kjo...

Masat për të marrë pasaportën / Zvicra e shtrëngon, Gjermania i shliron…

Pasaporta e Zvicres  është më elitare e Evropës - dhe askush nuk dëshiron ta ndryshojë atë! Për të marrë një pasaportë zvicerane, pengesat janë jashtëzakonisht...

FIFA publikon emrin e arbitrit qe do ta udheheq ndeshjen mes Serbisë dhe Zvicrës

Cyrih, 30 nentor -FIFA sot ka bërë të ditur emrin e arbitrit për ndeshjen e së premtes mes Zvicres dhe Serbisë në orën 20:00...

Sot kemi bërë një hap të duhur për qyterarët e Kosovës drejt udhëtimit pa viza. Presim që PE ta zbatojë

Skruan: Jan Lipavský, Ministër çek i Punëve të Jashtme Ambasadorët e vendeve anëtare të BE-së ranë dakord sot për mandatin negociator të Këshillit për rregulloren për...

Gazetari ndërkombëtar Nefail Maliqi jep lajmin e parë nga Brukseli për ngjyrën jeshile te BE-së për liberalizimin e vizave për qytetaret e Kosovës

Bruksell, 30 Nëtnor -Ambasadorët e Shteteve Anëtare të Bashkimit Evropian këtë të mërkurë kanë rënë dakord për mandatin negociues të Këshillit për rregullacionin për...