8.2 C
Berne
lundi 25/10/2021

Arkivat e UÇK-së dhe e vërteta e tyre trazojnë Kosovën!

Shkruan: Nehat SHAQIRI

Pse Specialja po i gjykon për “krime kundër njerëzimit” të arrestuarit në Hagë?

Hapja e dosjeve të UÇK-së, ka ngjallur reagime të ashpra në Kosovë, sidomos nga kundërshtarët politik të Albin Kurtit?

Mirëpo, askush prej tyre nuk po na tregon se kush ishte arkivuesi i UÇK-së?

Kush i ka ruajt arkivat nëse ka pasur?

Çfarë fshihet në ato arkiva?

Pse nuk duhet të hapen ato arkiva?

A munden me qenë ato arkiva në Gjykatë Speciale?

Nëse po, kush i ka dërgua atje?

Nuk është befasi që Gjykata Speciale ka ngritur aktakuza ndaj krerëve të UÇK-së, dhe sa kemi pa, nuk ka akuza për vrasje të serbëve në luftë dhe vija të frontit?

Ata po akuzohen për krime kundër njerëzimit dhe vrasjen e kundërshtarëve politik!

Tash nëse kanë ekzistuar ato arkiva, atëherë a duhet me dhanë dikush përgjegjësi nëse tani ato janë në Gjykatën Speciale?

Hapja e arkivave të UÇK-së, pra nëse bëhen publike për opinionin e gjerë, a mund të trazojnë Kosovën me ato që fshihen aty?

Të gjithë jemi dëshmitar për akuzat që janë bërë që nga paslufta për burgun e Likocit.

Janë njerëzit e gjallë që kanë rrëfyer për të bëmat në atë burg.

Ata kanë përmendur me emra e mbiemra njerëzit e Shtabit të Përgjithshëm të UÇK-së, që kanë qenë rojtar aty.

Këto rrëfime të personave të gjallë, për të bëmat në ‘kampe të përqendrimit’ a mos ndoshta mund të sjellin tensionime të gjendjes në Kosovë.

A mos ndoshta për këto rrëfime edhe Specialja ka arkivat në duart e saj dhe tash po gjykon njerëzit e luftës për të bëmat e tyre?

Çfarë janë këto reagime?

A duhej të zbardhet e vërteta për shumë çka në Kosovë?

A duhet të hetohen të gjitha krimet e kryera individuale të personave të cilët janë akuzuar publikisht nga njerëz të ndryshëm në Kosovë?

Nëse arkivat e UÇK-së nuk fshehin diçka tjetër, atëherë me siguri që, për këto raste duhet të hapen.

Madje kemi edhe Gjergj Dedajn, i cili në rrëfimin e tij kishte tronditur opinionin kur doli me emra e mbiemra se disa njerëz të UÇK-së e kishin rrahur në Qirez të Skenderajt.

Por, pas kësaj, ai pastaj, Gjergji pra, u bë një ndër bashkëpunëtorët e ngushtë të ish-presidentit Hashim Thaçi i cili nuk e la pa poste shtetërore asnjëherë!

Kosova ka nevojë të dijë të vërtetën për luftës e drejt të saj të UÇK-së. Duhet të dalin të vërtetat njëherë e mirë, dhe secili person që ka rrëfyer për ngjarjet e tilla të thirret nga organet e Drejtësisë për të dëshmuar.

Andaj, secila dëshmi që nuk mund të argumentohet, atëherë personat e fjalë duhet të dënohen sipas ligjeve në fuqi të Kosovës.

Por, Kosova dhe populli i saj e meriton të vërtetën, sikurse familjet e viktimave të shumta që janë vrarë në luftë e paslufte!

Megjithatë, individët, qofshin ata edhe komandantët më eminent të UÇK-së, nuk mund ta njollosin UÇK-në për të bëmat e tyre individuale!

Ushtria Çlirimtare e Kosovës është gjëja më sublime që askush edhe po të mundohet nuk mundet që ta mohoj.

Sa qindra vrasje janë kryer e që nuk janë zbuluar kurrë?

Sa shantazhi e kërcënimi ka ndodhur duke u thirr në emër të komandantëve?

Sa komandanti u pasurua duke arritur edhe milionët?

Sa kundërshtarë politik janë vrarë, sa gazetari, sa krimi u krye?

Tash, çka ndodhi, pse nuk u zbuluan kurrë urdhërdhënësit, pse nuk u zbuluan kurrë vrasësit?

A është kjo Kosova e atyre heronjve të UÇK-së që dhanë gjënë më të shtrenjtë, jetën e tyre për Kosovë?

A u flijuan familje të tëra për këtë Kosovë?

A dhanë gjymtyrët e trupit qindra ushtarë të UÇK-së për këtë tokë?

A u shkel gjaku i dëshmorëve në paqe?

Por nga kush?

A ndodhën të gjitha këto në liri, kur komandantët ishin në pushtet?

Pse duhet mohuar faktet e krimet e kryera nga kushdo qofshin ato?

Pse duhet harruar të kaluarën e dhimbshme?

A kanë familjarë të gjitha ato viktima të pasluftës?

A kemi edhe komandantë të dënuar për krime?

UÇK-ja nuk mund të luftohet nga askush, as nga mohuesit e saj e as nga hapja e arkivit. Megjithatë, duhet pasur mëshirë edhe për viktimat dhe familjarët e tyre.

UÇK-ja, me shkronja të arta do mbetët në histori të botës moderne për luftën, sakrificën dhe trimërinë e saj përballë arsenalit të fuqishëm ruso-serb.

UÇK-ja është vlera më sublime e popullit shqiptar.

Shkronjat UÇK, janë shkronja të Arta për shqiptarët!

Derniers articles

Gazetat zvicerane e konsiderojne incident diplomatik skandalin e Serbise me boksieret e Republikes se Kosoves

Berne 24 tetor -Incident diplomatik: Serbia i shtyn boksierët kosovarë (Incident diplomatique: La Serbie refoule les boxeurs kosovars), me ket titull Blick.ch ka shkruar per skandalin...

Skandali/ Serbia ndalon boksierët kosovarë, Shqipëria braktis botërorin

LNjë skandal i vërtetë ka ndodhur ditën e sotme në kufirin Kosovë-Serbi ku këta të fundit kanë ndaluar delegacionin e boksierëve dardanë të hyjnë...

Dita Ndërkombëtare të OKB-së/ Nefail Maliqi ne OKB: Shqipëria 65 vjet anetare e saj, faktor stabiliteti në rajon. Kosova drejt anetarësimit..

Benrë, 24 tetor -Sot eshte dita Nderkombëatre e Organizates se Kombeve te Bashkuara. Kombet e Bashkuara është Organizata Ndërkombëtare është më e madhe dhe...

Nenshkruhet marrëveshje e re mes Bernës dhe Prishtinës. Zvicra ndihmon studentët kosovarë me 160.000 CHF

Nga ardhja e Albin Kurtit ne krye te Qeverise se Kosovës, Zvicra ka nenshkruar nje sër marrëveshjes jo vetëm per studentet, por edhe ne...

Ditë e Madhe, vizitë Xhaminë Jumeirah në Dubai në ditën e xhumasë

Dubai, 16 tetor -Falemnderimi i takon Allahut (xh.h) qe na e mundesoi dhe na gezoi ta vizitojme nje grup gazetaresh nga Zvicra Xhaminë e...