0.5 C
Berne
samedi 10/12/2022

Presheve, Promovohen dy librat e autorit Ejup Kamberi

Nën patronatin e Shoqatës së Shkrimtarëve “Feniks” (Preshevë, Bujanoc dhe Medvegjë), u përuruan dy vepra me titull “Garja në rrjedhat e historisë” dhe “ Kujtesa e një fëmijërie”, të avokatit të njohur z. Ejup Kamberi nga Presheva, njofton gazeta zvicerane ne shqip Le Canton27.ch

Në prani të familjarëve e dashamirëve të shumtë të artit të shkruara, sot në sallën e Kuvendit Komunal në Preshevë u promovuan dy librat e autorit, avokatit nga Presheva z. Ejup Kamberi, monografia « Garja në rrjedhat e historisë  » dhe “Kujtesa e një fëmijërie”

Shumica e fshatrave që gravitojnë në komunën e Preshevës tanimë kanë edhe Monografitë e tyre të përgatitur nga autorë autoktonë të atyre fshatrave, të cilët kanë dhënë një pasqyrim monografik për fshatrat e tyre. Në vazhdën e përgatitjeve për shtyp të monografive është edhe ajo për fshatin Gare të komunës së Preshevës, shkruar nga avokati i njohur Ejup Kamberi.

Autori ka mbledhur shifra dhe fakte, të cilat i ka futur brenda librit monografik, duke u shërbyer me literaturë, gjegjëse dhe me intervista e takime që ka bërë me njerëz nga shumë pjesë shqiptare, të cilët ishin shpërngulur nga ky fshat, për të qitur në pah realitetin historik të banorëve të këtij fshati.

Promovimi i këtyre librave u bë në kuadër të Shoqatës së Shkrimtarëve Feniks organizuar nga Kryetari i saj Bilall Maliqi
Për rëndësinë dhe vlerën e tyre para të pranishmëve foli redkatori i lbrave z.Jonuz Fetahaj, raporton RTP

Autori ka punuar ndër vite duke hulumtuar informacione të shumta në vendet e rajonit rreth fshatit Gare nga edhe është prejardhja e tij.
Qëllimi dhe synimi i tij ishte, grumbullimi i informacioneve të shumta për të lënë fakte dhe argumente për gjeneratat e ardhshme.
Për nxjerrjen në dritë të këtyre botimeve, autori Kamberi është munduar që nëpër mjet penës të hedh në libër duke bërë improvizimin e fshatit Gare si fshat i heshtur dhe i pa banuar .

Këtë event e bëri të zbehur mungesa e Dafinës tani më e ndjerë, si nuse në këtë familje e që ju mungon shumë.
Në fund për të gjithë të pranishmit u ndanë librat duke u shoqëruar me një koktel modest.

PËRUROHEN LIBRAT E AVOKATIT EJUP KAMBERI

Përurimi i librave u organizua në sallën e madhe të Kuvendit Komunal të Preshevës, ku pati një numër të madh të të pranishmëve, të cilët kishin ardhur ta ndjekin këtë aktivitet me rëndësi për librin dhe për kulturën ë përgjithësi dhe e udhëhoqi, Besa Asllani.

Aktivitetin e shpalli të hapur kryetari i ShSh “Feniks” Preshevë, z. Bilall Maliqi, i cili uroi autorin e dy librave të tij, duke potencuar se kohët e fundit në komunën tonë janë botuar një numër jo i vogël i librave të zhanreve dhe karaktereve të ndryshme, të cilat edhe janë përuruar.

Për librat foli redaktori i librave, shkrimtari Jonuz Fetahaj, i cili dha një pasqyrim artistik të librave të krakterit monografik të autorit, duke lavdëruar punën e tij kërkomore.
Më pas për librin monografik për fshatin Gare, foli shkrimtari Bilall Maliqi, i cili dha një vlerësim shumë korrekt të vlerës artistike të librit në fjalë.

Pati edhe diskutime nga publiku” Dr. Jahi Staneci dhe Hysamedin Ahmedi.
Në fund në fjalën e tij, autori i librave, z. Ejup Kamberi, falënderoi të pranishmit që me pjesëmarrjen e tyre masive e nderuan autorin dhe librat e botuar…

Ora letrare..

Pjesë e këtij aktiviteti si vazhdim i Karvanit të Shkrimtarëve të Luginës, ishte edhe ora e madhe letrare ku poezitë e tyre i lexuan këta poetë: Jonuz Fetahaj, Hysen Këqiku, Nehat Ramizi, Jashar Esati, Valbona Hasani, Shaban Emini, Emine Murseli, Elton Mehmeti dhe Maida Salihu.

Në fund nga autori i librave, për të gjithë të pranishmit u dha një koktel …

Derniers articles

Policia belge arreston për korrupsion nënpresidentja e Parlamentit Europian, grekja Eva Kaili

Bruksel 9 dhjetor  -Eurodeputetja greke Eva Kaili u arrestua sot nga policia belge sr bashku me katër persona të tjerë, si pjesë e një...

‘E kujt është Gazeta Express dhe Televizioni T7?’

Shkruan: Ali Sh. Mehmeti “Muajve të fundit është përfolur se Gazeta Express dhe Televizioni T7 janë shitur dhe se Berat Buzhala nuk do të jetë...

NATO, Stoltenberg paralajmëron për rrezikun e përhapjes së konfliktit

Bruksel, 9 dhjjtor -Sekretari i Përgjithshëm i NATO-s, Jens Stoltenberg shprehu shqetësimin se luftimet në Ukrainë mund të dalin jashtë kontrollit dhe të shndërrohen...

Zvicra në Katar, një angazhim brenda dhe jashtë fushës

Që nga viti 1950, Dita Ndërkombëtare e të Drejtave të Njeriut festohet më 10 dhjetor. Dhe për shkak se Zvicra është e përkushtuar për...

Bernë, Këshilli Federal prezanton draft raportin për gjendjen aktuale të marrëdhënieve ndërmjet Zvicrës dhe BE

Bernë, 9 dhejtor -Në mbledhjen e 9 dhjetorit, Këshilli Federal shqyrtoi draft-raportin “Gjendja aktuale e marrëdhënieve ndërmjet Zvicrës dhe BE-së”. Në këtë raport (Le...