Gjeneve, 21 janar -Takimi mes Sergei Lavrov dhe Antony Blinken, këtë të premte, nuk i zbuti tensionet. Moska i jep Uashingtonit një javë kohë për të përmbushur kërkesat e saj, njofton gazeta zvicerane ne shqip Le Canton27.ch
Moska po humbet durimin. Rusia pret që Shtetet e Bashkuara të përgjigjen me shkrim « javën e ardhshme » ndaj kërkesave të saj për Ukrainën dhe sigurinë evropiane, tha të premten në Gjenevë Ministri i Jashtëm Sergej Lavrov pas një takimi me homologun e tij Anthony Blinken.
Dy orë për të shmangur luftën: kjo është koha në dispozicion, mëngjesin e kësaj të premteje në hotelin President Wilson, për krerët e diplomacisë ruse dhe amerikane, të cilët i dhanë vetes një shans të fundit për të mos shkuar në përplasje në Ukrainë.
Pikërisht dhjetë ditë pas tete-a-tete mes deputetëve të tyre në qytetin e Kalvinit, rezultati është i përzier: as përparim diplomatik, as prishje e dialogut, por një tension madje i rritur.