Ekskluzive/ Ambasadori zviceran në Kosovë: 13 vjetë bashkëpunim dhe marrëdhënie diplomatike midis Bernës dhe Prishtinës

Bernë 17 shkurt (Nefail Maliqi) -Ne prag te 13-vjetorit te pamvaresise se Kosovës gazeta zvicerane ne shqip Le Canton27.ch ka zhvilluar nje interviste me ambasadorin e Zvicres ne Kosovë z.Thomas Kolly. Ne kete bisede me ambasadorin zviceran ne Prishtine, ai flet per marëdhëniet diplomatike mes Zvicres dhe Kosoves keto 13 vitet e fundit, qe nga njohja e pamavaresise nga Qeveria zvicerane me 27 shkurt 2008 deri me sot, për rolin e qeverise helvetike ne rajon si dhe misionin e ushtareve zviceran-Swisscoy ne Kosovë

“Rreth 200,000 njerëz me origjinë kosovare jetojnë në Zvicër dhe kontribuojnë në mënyrë aktive në ekonomi, kulturë dhe politikë në vendin tonë. Zvicra sot eshte investitori i dytë më i madh në Kosovë – me më shumë se 480 milionë euro. Zvicra ka ofruar ndihmë thelbësore për Kosovën që nga viti 1998. Ajo deri më tani ka ofruar më shumë se 500 milionë CHF për Kosovën dhe mbetet partneri i tretë bilateral i zhvillimit të Kosovës. Ne jemi të bindur se ndihma zvicerane në mënyrë efektive mbështetë ambiciet e Kosovës për të vazhduar në rrugëtimin drejt integrimit evropian dhe kontribuon në përmirësimin e jetës së qytetarëve kosovarë..”, ka deklaruar ambasadori zviceran ne Kosovë z.Thomas Kolly ne intervisten ekskluzive per gazeten zvicerane në shqip “Le Canton27.ch” dhënë me rastin e 12-vjetorit te pavarësisë së Kosovës.

Diaspora kosovare në Zvicër ndihmon në përmirësimin e kushteve të jetesës së shumë familjeve në Kosovë

Zotëri ambasador, meqë këto ditë po bëhen 12 vjet nga pavarësia e Kosovës dhe nga vendosja e marrëdhënieve diplomatike mes Kosovës dhe Zvicrës, fillimisht mund te na thoni cfare janë marrëdhëniet midis Zvicrës dhe Kosovës?

No description available.

Ambasadori Thomas Kolly: Zvicra qe një ndër vendet e para që njohu pavarësinë e Kosovës. Që nga ajo kohë dy vendet tona kanë zhvilluar marrëdhënie shumë të ngushta diplomatike dhe ekonomike dhe përfitojnë nga lidhjet e forta ndërnjerëzore. Rreth 200,000 njerëz me origjinë kosovare jetojnë në Zvicër dhe kontribuojnë në mënyrë aktive në ekonomi, kulturë dhe politikë në Zvicër. Në të njëjtën kohë, remitancat nga anëtarët e diasporës kosovare në Zvicër ndihmojnë në përmirësimin e kushteve të jetesës së shumë familjeve në Kosovë. Falë këtyre investimeve Zvicra është bërë investitori i dytë më i madh në Kosovë – me më shumë se 480 milionë euro.

Ambasadori Kolly: Misioni Swisscoy po bën një punë shumë të mirë në Kosovë

* Çfarë mund të na thoni për rolin dhe angazhimin e Zvicrës në Kosovë? A jeni i kënaqur me misionin e Swisscoy-it në rajon?

Ambasadori Thomas Kolly: Zvicra ka ofruar ndihmë thelbësore për Kosovën që nga viti 1998. Ajo deri më tani ka ofruar më shumë se 500 milionë CHF për Kosovën dhe mbetet partneri i tretë bilateral i zhvillimit të Kosovës. Ne jemi të bindur se ndihma zvicerane në mënyrë efektive mbështetë ambiciet e Kosovës për të vazhduar në rrugëtimin drejt integrimit evropian dhe kontribuon në përmirësimin e jetës së qytetarëve kosovarë. Zvicra planifikon edhe më tej të përfshihet në promovimin e qeverisjes së mirë, sigurisë njerëzore, krijimit të vendeve të punës, si dhe infrastrukturës së ujit dhe një qasjeje më të mirë në kujdesin shëndetësor parësor. Misioni Swisscoy po bën një punë shumë të mirë në Kosovë. Falë pranisë së tij në terren dhe kontakteve të tij me popullatën, Swisscoy luan një rol të rëndësishëm në sigurinë e qytetarëve. Në qershor të vitit 2020 Zvicra vendosi të vazhdojë angazhimin e saj në KFOR së paku edhe për tri vjet (deri në vitin 2023) dhe të rrisë numrin e kontingjentit të saj nga 165 në 195 ushtarë. Pjesëmarrja e Zvicrës në KFOR është një dëshmi për rëndësinë që ia kushton Zvicra sigurisë dhe stabilitetit në rajon.

Pas 12 vjetësh nga njohja e Kosovës nga Zvicra. Cilat janë kërkesat (dokumentet, vizat, etj.) e qytetarëve (vendas dhe emigrantë në Zvicër) të Kosovës në ambasadën tuaj?

Ambasadori Thomas Kolly: Qendra Regjionale Konsullore e Zvicrës në Prishtinë ofron të gjitha shërbimet konsullore dhe aplikimet për viza për njerëzit që jetojnë në Kosovë, Maqedoni të Veriut dhe Shqipëri. Konsullata kryesisht merret me lëshimin e vizave për qytetarët kosovarë që dëshirojnë të udhëtojnë në Zvicër për turizëm, vizita familjare dhe biznes. Konsullata merret gjithashtu me kërkesat për leje pune ose bashkim familjar, megjithëse vendimet në lidhje me to merren nga kantonet. Detyra të tjera përfshijnë, për shembull, lëshimin e pasaportave provizore në rast se ato humbin gjatë pushimeve ose ndihmën për riatdhesimin emergjent në Zvicër.

Z. Kolly, pandemia në Kosovë sigurisht që ju ka shkaktuar probleme në bashkëpunimin ndërmjet dy vendeve. Në të njëjtën kohë, a i ka rreduktuar vizitat në të dy drejtimet Kosovë-Zvicër dhe anasjelltas?

Ambasadori Thomas Kolly: Pandemia ka paraqitur sfida të reja për të gjithë. Falë përpjekjeve intensive të stafit të ambasadës, Zvicra ia arriti t’i përshtasë programet e saj ekzistuese krahas kërkesave të reja. Për shkak të kufizimeve të udhëtimit në zonën Shengen dhe masave kombëtare të tilla si karantina ose për shkak të kërkesës për teste PCR, udhëtimi nga Kosova në Zvicër dhe anasjelltas është reduktuar në disa raste. Mungesa e vizitave të diasporës në Kosovë gjatë verës gjithashtu ndikoi në situatën ekonomike të vendit; shpenzimet tradicionale në Kosovë gjatë vizitave të diasporës, si dhe remitancat direkte dhe indirekte (të cilat normalisht përfaqësojnë një të katërtën e PBV-së) kanë rënë dukshëm. Mesazhi i ambsadorit zviceran në Prishtinë Thomas Kolly drejtuar qytetareve dhe lidereve të Kosovës me rastin e zgjdhjeve te 14 shkurtit

Ambasadori Kolly: Gjykata Speciale për Kosovën në Hagë paraqet një mundësi të rëndësishme për t’i zgjidhur krimet e rënda të kryera gjate dhe pas luftes në Kosovë

A e mbështetë Zvicra Gjykatën Speciale në Hagë për krime në Kosovë? Krahas Shteteve të Bashkuara, Gjermanisë dhe vendeve të tjera të BE-së ne e shohim Zvicrën si një mbështetëse të mirë financiare të kësaj Gjykate Speciale. Pas arrestimit të Thaçit, Veselit dhe të të tjerëve, të cilët konsiderohen si “peshq të mëdhenj” të krimit gjatë dhe pas luftës në Kosovë, a mendoni se kjo Gjykatë do të jetë e suksesshme në misionin e saj?

Ambasadori Thomas Kolly: Zvicra konsideron se Gjykata Speciale për Kosovën në Hagë paraqet një mundësi të rëndësishme për t’i zgjidhur krimet e rënda të kryera në Kosovë midis viteve 1998 dhe 2000, për të sjellë të akuzuarit para drejtësisë dhe për të sjellë drejtësi për viktimat. Në këtë kuptim, krijimi i Gjykatës Speciale është në përputhje me angazhimin e Zvicrës për drejtësinë ndërkombëtare, luftën kundër mosndëshkimit si dhe fuqizimin e shtetit të së drejtës dhe pranimin e së kaluarës. Në veçanti, Zvicra siguron mbështetje financiare për punën e marrëdhënieve me publikun të Gjykatës, e cila synon të sigurojë që popullata kosovare e kupton mandatin dhe fushëveprimin e kësaj Gjykate Speciale. Ambasada e Zvicrës në Kosovë: nga 3 korriku aplikim për viza “online” - Albinfo

Derniers articles

“Laureatët 2024” nga FFK, Emërllahut çmimi ‘Futbollist i Vitit’, Edon Zhegrovës çmimi ‘Fadil Vokrri’

Ky eshte terrorristi (ne Gjermani) qe kërkonte braktisjen e islamit !… Policia kosovare duhet te jete vigjilente këtyre diteve nga disa grupacione te cilët...

Kryeministri shqiptar Kurti: Kosova i ndau milionë euro për Luginën, uroj të shërbejë si shembull edhe për Shqipërinë

« Shqetesimet » e mediave serbe dhe opozitës kosovare me zvogëlimin e popullsisë në Kosovë për 140 mije. Po sikur te kishte Kosova më pak se...

Sulmi tragjik në Magdeburg/ Arrestohet autori nga Arabia Saudite, dyshohet se në makinë kishte eksplozivë

Articles les plus lus

Rrahje banale mes pasagjerëve në aeroplanin nga Kosova për në Zvicër

Zvicër, Krimi i tmerrshëm, u kap në aeroportin e Zurichüt me kokën e gjyshes në çantë, Fatmir T…

Vidéo