E dëgjova intervistën e plotë të Putinit me Tucker Carlston. Përveç që përkthyesi fliste me një zë si të ishte fjetur dhe të lodhte kah e dëgjoje, mua mu krijua përshtypja se Putini qenka tu i përcjellë paraqitjet e mia të rregullta në Komplot dhe Top Channel(!!) Këtë e argumentova(!!) me dy pika: Edhe Putini tha se nuk është interes i Rusisë të nisë luftra të reja, ta sulmojë Poloninë apo ndonjë vend tjetër, përderisa ato vende nuk sulmojnë Rusinë.
Ndërsa unë, përkundër shumë mediave dhe emrave të njohur të politikës ndërkombëtare që po flasin sahat e dakik për luftë globale që mund ta nisë Rusia, unë vazhdimisht jam duke thënë se nuk ka hapësirë për shqetësime të tilla dhe se ato janë mënyra për krijimin e atmosferës së përshtatshme për shitjen e armëve gjithandej nëpër botë. Punë tixhareti e mesele e tuxharëve të armëve është kjo!
Dhe e dyta, Putini tha se raportet e Rusisë me Serbinë janë shumë më të thella e më të forta se sa vetëm politike. Ato marrëdhënie janë historike që i lidhë feja orthodokse, kultura e të ngjashme. Po a nuk jam tu thënë unë se Perëndimi e ka shumë të vështirë, ndoshta të pamundur t’ia presë rrugën Serbisë kah Moska dhe se me asgjë s’mund ta « mashtrojnë » Serbinë për t’ia kthyer shpindën Rusisë! Sepse raportet mes dy shteteve dhe dy kombeve janë shumë më të thella se sa vetëm ndonjë interesi ekonomik apo politik.
Vazhdimisht kam thënë se raportet serbo-ruse janë të ngjizura me brum fetar orthodoks, pastaj me brum kulturor, traditë, interesa gjeopolitike e gjeostrategjike. Po nejse! Ndoshta edhe si ka dëgjuar intervistat e mia, po unë ia qëlloj fort në këto tema, do të thoshte dikush për mua….!!!