19.9 C
Berne
lundi 20/05/2024

Lugina proteston në Prishinë: Stop padrejtësisë të shtetit serb! Organizatoret: Protesta e radhës në Tiranë kundër heshtjes së Edi Ramës për shqiptaret e shtypur në Preshevë!

Prishtinë, 23 tetor -Këshilli organizativ i Kuvendit Kombëtar Shqiptar për Kosovën dhe Unioni Shqiptar i Shoqërisë Civile në bashkëpunim me qytetarë nga Kosova Lindore kanë protestuar sot (e hënë) kundër politikave serbe ndaj vendbanimeve shqiptare në Medvegjë, Bujanoc e Preshevë. Protesta ka nisur nga sheshi “Zahir Pajaziti” deri te Teatri Kombëtar i Kosovës në Prishtinë.Organizatoret: Protesta e radhës ne Tiranë pasi Edi Rama nuk ka folur kurrë për shqiptaret e shtypur në Luginën e Preshevës, njofton gazeta zvicerane ne shqip Le Canton27.ch

Protestohet kundër politikave serbe ndaj vendbanimeve shqiptare në Luginën e Preshevës

Motoja e kësaj proteste është “Stop padrejtësisë të shtetit serb që po zhvillon ndaj qytetarëve shqiptarë që jetojnë në komunat e Preshevës, Medvexhës dhe Bujanocit.

Në këtë protestë paqësore mbajtën fjalim kryetari i Unionit Shqiptar, Dashamir Uruqi dhe koordinatorja e Kuvendit Kombëtar Shqiptar Linda Shaqiri, ku u diskutua se nga viti 2011 është duke u zhvilluar spastrimi etnik në këto tri komuna. Aty u tha se në këto komuna në shëndetësi nuk ka asnjë shqiptar të punësuar dhe se Lugina ka nevojë për ndihmë të gjithanshme morale e ekonomike, pasi që këto komuna nuk mund të arrijnë rezultat të dukshëm me 2 milionë eurot që jep Kosova, e zero nga Shqipëria.

Kryetari i Unionit Civil Dashamir Uruqi tha se problemi kryesor qëndron tek trajtimi i shqiptarëve në Serbi në të gjitha fushat

Uruqi: Në sektorin e shëndetësisë situata është shumë e rëndë

“Na ka bashkuar në këtë tubim fati i Luginës.Janë shkelur në mënyrë të vazhdueshme liritë dhe të drejtat themelore të njeriut, të drejtat kombëtare dhe njerëzore të shqiptarëve… 06:52 Problemi kryesor qëndron tek trajtimi i shqiptarëve në Serbi , në të gjitha fushat. Në sektorin e shëndetësisë situata është shumë e rëndë , në Preshevë ku jetojnë 90% shqiptarë drejtori i shtëpisë së shëndetit është serb , në spitalin rajonal të Vranjës ku rreth 40% të pacientëve janë shqiptarë nuk ka mjekë, motër medicinale e as mirëmbajtëse shqiptare Në doganë janë vetëm 13 shqiptarë,” tha Uruqi.

Uruqi rekomandoi që në të gjitha bisedimet e ardhëshme Kosovë-Serbi të vihen në truezën e bisedimeve të drejtat dhe liritë themelore të shqiptarëve në Kosovën Lindore.Dhe se kërkojnë ndëshkimin e Serbisë për agresionin ushtarak ndaj Kosovës me 24 Shtator 2023, si dhe hetim ndërkombëtarë për Alexandër Vucic.

Gjithashtu Uruqi shtoi se Kosova Lindore ka nevojë për ndihmë të gjithanëshme morale e ekonomike, qeveria e Kosovës dhe Shqipërisë duhet të shfrytëzojë të gjitha mundësitë për të vendosur në buxhetin e shtetit të tyre shifra të rëndësishme financiare, me të cilat mund të kenë ndikim në jetën e shqiptarëve në luginë.

Uruqi: Kosova Lindore ka nevojë për ndihmë të gjithanshme morale e ekonomike

“Shtatë partitë e shqiptarëve në Kosovës Lindore nuk janë bashkë, ata nuk bëhen bashkë se i tundon kolltuku e jo kauza kombëtare shqiptare. Kosova Lindore ka nevojë për ndihmë të gjithanshme morale e ekonomike. Qeveria e Kosovës dhe Shqipërisë duhet të shfrytëzojnë të gjitha mundësitë për të vendosur në buxhetin e shtetit të tyre shifra të rëndësishme financiare me të cilat mund të kemi ndikim në jetën e shqiptarëve në luginë. Me zero euro që jep Shqipëria dhe 2.8 milionë euro që jep Kosova nuk mund të arrijmë rezultate të dukshme në Kosovën Lindore”, vijoi Uruqi.

Koordinatorja e Kuvendit Kombëtar Shqiptar, Linda Shaqiri, tha se nga viti 2011 spastrimi etnik në këto komuna po zhvillohet.

Shaqiri: Nga viti 2011 po zhvillohet spastrimi etnik në këto tre komuna

Janë trojet tona etnike padrejtësidht të ndara jasht trungut tonë shqiptarë. Në sytë e Evropës po zhvillohet një diskriminim, dhe ne sot do i themi ndal dhe do ngrehim zërin kundër këtyre padrejtësive. Komunat tona po zbrazen, po boshatisen. Nga viti 2011 po zhvillohet spastrimi etnik në këto tri komuna: Preshevë, Medvexhë e Bujanoc”, tha Shaqiri.

Gjithashtu protestuesit shtuan se do të mundohen të mbajnë një protestë paqësore edhe në Shqipëri, pasi që Edi Rama nuk ka folur kurrë për Luginën.

Derniers articles