Libri monografik « Tërnoci nëpër valë kohe » i autorit Galip Beqiri përmban 11 kapituj që trajtojnë ngjarjet historike nga viti 1912 deri në ditët e sotme., njofton gazeta zvicerane ne shqip Le Canton27.ch
Ky libër u promovua në sallën e vogël të shtëpisë së kulturës në Bujanoc ditë më parë në prezencë të shumë personaliteteve të shquara.
Autori i librit duke qenë aktor politik dhe shoqëror që nga vitet e 70-ta të shekullit të kaluar, ka pasqyruar zhvillimet në mënyrë objektive: vuatjet, shtypjen, represionin, heroizmin, organizimin humanizmin, terrorin, luftën për liri, dashurin për njerëzit si kujtesë kolektive që duhet të përcillet si dëshmi e historisë .
Posaçërisht, fazat e zhvillimeve të vitet e 90-ta, rezistenca paqësore dhe referendumi 92, aksionet humanitare për të ndihmuar vëllezërit në Kosovë, aktivitet sportive, aktivitetet tërnocasve në mirëpritjen e refugjatëve dhe intervenimi i NATO-s, si dhe angazhimi në UÇPMB e deri në ditët e sotme.
Galip Beqiri ka qenë profesor në Shkollën e Mesme « Sezai Surroi » në Bujanoc dhe ka shërbyer si kryetar i Bashkësisë Lokale të Tërnocit për disa mandate. Ai ka qenë angazhuar në shumë fusha të jetës shoqërore dhe politike të Tërnocit, duke kontribuar në përfaqësimin dhe avancimin e interesave të komunitetit shqiptar.
Gjatë kohës së konfliktit të armatosur në Tërnoc, Galip Beqiri ka pasur një rol të rëndësishëm në organizimin dhe drejtimin e Ushtrisë Çlirimtare të Preshevës, Medvegjës dhe Bujanocit (UÇPMB). Ai ka luajtur një rol udhëheqës në mbrojtjen dhe përfaqësimin e interesave të shqiptarëve në këtë konflikt.
Përveç angazhimit politik dhe ushtarak, Galip Beqiri ka shërbyer si drejtor i bibliotekës së qytetit në Bujanoc dhe ka qenë kryetar i parë i Këshillit Kombëtar Shqiptar. Kontributi i tij në promovimin e kulturës, arsimit dhe identitetit shqiptar në Tërnoc është vlerësuar dhe është i njohur.
Galip Beqiri është historia në ecje e digës së shqiptarisë në Luginën e Preshevës. Libri “Tërnoci nëpër valë kohe” paraqet një thesar të çmuar për Tërnocin dhe për historinë e shqiptarëve në këtë rajon. Kontributi i tij në dokumentimin dhe ruajtjen e historisë së Tërnocit është i çmuar dhe ndihmon në përcjelljen e trashëgimisë për brezat e ardhshëm.