Lozanë, 2 nëntor 2024 – Art Fair, Sallon Ndërkombëtar i Artit në Lozanë, këtë vit ka mbledhur emra të mëdhenj nga skena ndërkombëtare, duke krijuar një pikë takimi të pasur për artistët dhe galeristët që duan të ndajnë vizionet e tyre me një publik të gjerë dhe entuziast. Pjesëmarrës nga mbi 200 galeri prestigjioze kanë sjellë në këtë event artin bashkëkohor, duke bërë që Lozana të pulsojë si kryeqendër artistike për katër ditët e eventi, njofton gazeta zvicerane ne shqip Le Canton27.ch
Një nga pjesëmarrësit më të dalluar është artisti shqiptar Ramë Dardania, i cili përfaqësohet nga Fondacioni i Artistëve “Way”. Dardania ka mahnitur vizitorët me veprat e tij që ndërthurin rrënjët kulturore dhe temat e shpresës e të identitetit. Ai zhvilloi një bisedë të gjallë me artdashësit më 2 nëntor, ku ndau frymëzimin dhe mesazhet pas krijimeve të tij unike, të cilat kanë tërhequr vëmendje të madhe.
Ekspozita do të vijojë deri më 3 nëntor, duke ofruar për artdashësit një udhëtim të pasur përmes stileve dhe kulturave të ndryshme, dhe duke e bërë Art Fair një nga ngjarjet më të rëndësishme të artit në Evropë këtë vit