“Për të gjitha gratë dhe vajzat: të drejta, barazi dhe fuqizim”
Më 8 Mars 2025, bashkohuni me ne në festimin e Ditës Ndërkombëtare të Gruas nën temën « Për të gjitha gratë dhe vajzat: të drejta, barazi dhe fuqizim ».
Tema e këtij viti bën thirrje për veprime që do të avancojnë të drejta të barabarta, fuqi dhe mundësi për të gjithë, dhe një të ardhme feministe ku askush nuk do të mbetet pas. Në zemër të këtij vizioni është fuqizimi i brezit të ardhshëm – të rinjve, dhe veçanërisht grave të reja dhe vajzave adoleshente – si katalizatorë për ndryshime të qëndrueshme.
Viti 2025 do të jetë veçanërisht vendimtar në kërkimin për barazi gjinore dhe fuqizimin e grave në mbarë botën, pasi do të shënojë 30 vjetorin e Deklaratës së Pekinit dhe Platformës për Veprim. Ky dokument përfaqëson kornizën më progresive dhe të miratuar gjerësisht në nivel ndërkombëtar për të drejtat e grave dhe vajzave. Ajo ka ripërcaktuar axhendën e të drejtave të grave përsa i përket mbrojtjes ligjore, aksesit në shërbime, angazhimit të të rinjve dhe ndryshimit të normave shoqërore, stereotipave dhe ideve të ngrira në të kaluarën.
Inkurajoni mediat, drejtuesit e biznesit, qeveritë, drejtuesit lokalë, shoqërinë civile dhe të rinjtë, dhe ndikues të tjerë që të ndërmarrin veprime në komunitetet tuaja. Thirr liderët që të ndërmarrin veprime dhe të investojnë në avancimin e të drejtave të grave dhe barazisë gjinore.