Shkruan: Ragmi MUSTAFA
Sot, ishte një ditë historike për Preshevë, Bujanoc e Medvegjë, sepse për një vizitë tërditore qëndroi zëvendëskryeministri i Republikës së Kosovës zoti Besnik Bislimi bashkë me ministren e arsimit zonjë Arbrie Nagavci. Përveç shpërndarjes së teksteve mësimore nga klasa e parë gjer në të tetën për fëmijët shqipëtar falas si donacion i qeverisë së Republikës së Kosovës, ata sollën ndjesinë e të qenurit pjesë integrale e Republikës së Kosovës jo vetëm për fëmijët por edhe shumicën shqiptare të Luginës së Preshevës.
Mjerisht, në shkollën fillore « Prof. Ibrahim Kelmendi » në Preshevë, buzëqeshjen e gëzimin e fëmijve për të takuar ministren e arsimit dhe zëvendëskryeministrin e Republikës së Kosovës, që të dy shqiptar, ia kthyen në zhgënjim e trishtim drejtoria e shkollës e cila ra në provikimin më të rëndë moral e kombëtar nga binomi famëkeq i Pushtetit Lokal, duke mos i lejuar dy autoriteteve të qeverisë së Republikës së Kosovës të vizitojnë shkollën shqipe më të madhe fillore në Luginë, mbase dhe në Serbi. Ky gjest është më shumë se skandaloz, këto autoritete sharllatane si trinom në shkollë dhe Pushtet Lokal që nesër duhet të tërhiqen nga funksionet publike që mbajnë.
Qeveria e Republikës së Kosovës përmes dy përfaqësuesëve të saj, sot në Luginë të Preshevës solli zotimin se do të fokusohet në kujdesin maksimal ndaj shqiptarëve në Preshevë, Medvegjë e Bujanoc. Nuk ka asnjë dyshim se veprimi i reciprocitetit me serbinë do të jet i aplikueshëm në të gjitha fushat e jetës shoqëroro-ekonomike dhe politike. Ate që Serbia kërkon për serbët në veriun e Republikës së Kosovës, e njejta do të kërkohet edhe për shqiptarët e Luginës së Preshevës nga ana e qeverisë së Republikës së Kosovës qoftë edhe në Bruksel e kudo tjetër në instanca ndërkombëtare.