Paris, 18 qershor -Nga të gjitha pasaportat në botë, Kosova hap më pak dyer se shumica, madje dyert për pjesët e tjera të Evropës. “Është një kontradiktë të quhesh evropian kur nuk të lejohet të shohësh, prekësh apo udhëtosh nëpër Evropë”, tha për AFP gazetarja 27-vjeçare Aulona Kadriu, transmetron gazeta zvicerane ne shqip Le Canton27.ch
« Unë nuk e kuptoj pse një popullatë e tërë duhet të mbyllet dhe izolohet!.. » ka thenë gazetarja Kadriu
Nga 199 vendet e renditura sipas numrit të destinacioneve që mbajtësit e pasaportave të tyre mund të vizitojnë sipas indeksit Henley, vetëm 10 ofrojnë më pak mundësi se Kosova. Ish provinca e Serbisë lëngon në shoqërinë e vendeve si Afganistani, Siria, Jemeni dhe Koreja e Veriut.
Komisioni i BE-së godet Francën dhe shtetet e tjera anëtare lidhur me regjimin e vizave për Kosovën
Kadriu hoqi dorë nga përpjekjet për të udhëtuar brenda Evropës për punë ose për t’u çlodhur, për shkak se ajo i gjeti shumë zhgënjyese rrathët që duhet të kalonin kosovarët.
1.8 milionë qytetarë të vendit pa dalje në det janë të vetmit njerëz në Ballkan që kanë nevojë për vizë për ta bërë këtë dhe kjo leje magjike është e vështirë për t’u marrë.
« Është përtej poshtërimit, » murmuriti ajo.
Kosova shpalli pavarësinë nga Serbia në vitin 2008, por nuk është e njohur botërisht.
Komisioni Evropian (KE) rikujtoi vlerësimin e tij të fundit, se me me qverine e re, Kosova tashmë i ka përmbushur të gjitha kërkesat për të merituar liberalizimin e vizave dhe u bëri thirrje 27 vendeve anëtare që t’i japin fund regjimit të vizave pasi qytetarët e Kosovës mbeten i vetmi i izoluar nga blloku evropian në rajonin e Ballkanit Perëndimor.