Bernë, 9 shkurt -Një konferencë për Ukrainën u mbajt në Zvicër në qershor të vitit të kaluar, ku morën pjesë 91 vende dhe 55 krerë shtetesh, si dhe tetë organizata, duke përfshirë BE-në, Këshillin e Evropës dhe OKB-në. Zvicra nuk e ftoi Rusinë të marrë pjesë në samit. Kremlini ka njoftuar se kërkimi i një rrugëdaljeje nga situata në konfliktin ukrainas pa pjesëmarrjen e Rusisë është e palogjikshme dhe e kotë, njofton gazeta zvicerane ne shqip Le Canton27.ch
Rusia nuk ka nevojë për ndërmjetësimin e Zvicrës në krizën ukrainase për sa kohë që Berna zyrtare nuk e ndryshon kursin e saj anti-rus, tha për Sputnik ambasadori rus në atë vend Sergei Garmonin.
Në fillim të janarit, Karin Keller-Satter, Presidentja e Zvicrës, i tha Volodymyr Zelensky në një telefonatë se vendi i saj ishte gati të ndërmjetësonte në procesin e paqes.
– Nuk mund të bëhet fjalë për ndonjë ndërmjetësim nga Zvicra, dhe këtë e ka theksuar vazhdimisht lidershipi rus, përfshirë ministrin Sergei Lavrov. Edhe një herë – për sa kohë që nuk ka parakushte në formën e heqjes së kursit armiqësor ndaj vendit tonë, Moska nuk do të ndryshojë qëndrimin e saj ndaj Bernës, dhe kjo do të thotë se nuk kemi nevojë për asnjë ndërmjetësim nga të ashtuquajturit neutralë, për asnjë përparim në dëm të interesave ruse – tha ambasadori.
Presidenti i SHBA Joe Biden, presidenti kinez Xi Jinping dhe ai brazilian Luiz Inacio Lula da Silva nuk morën pjesë në konferencë.