17.4 C
Berne
lundi 15/07/2024

Poetja e re Dalina Arifi me dy poezi uron 8 Marsin Nënave tona!

Dalina Arifi

Amaneti ushtarit

Mos.. mos mi prekni plagtë,

S’du me mi çep rrënjtë e lirisë.

Lemni, le t’kullojn gjak Shpirti le t’mbahet n’kullat e jo i robnis.

Du me m’varros mbi tokë arbnore

Mos mi mjekoni plagtë

Se s’paska ndjenjë ma t’bukun e bujare

Se trupi e zemra t’pushojn për k’të tokë amtare.

Veç m’lomni me Flamur

Se tjetër vdekje s’du me përjetu

Me tjetër qejfi s’du me u mshtjellë Veç me krahë Shqiponje

Për të cilën fliova këtë jetë.

Eh, shokt e mi Kur t’shkoni te nana me i dhan’ haber

I thoni mos t’nxjerr lot nga syt

Se emblem lirie u ba djali yt.

I thonë o shok se ky asht amaneti im

Se s’paska vdekje ma t’mirë

Se të vdesësh për lirinë.

Dalinë🌺19 shkurt 2023

 

Rri nemi

Zgjodhëm rrugët e vegimit

Mbi kuroren e pendimit Ikem.. u fshehem në gënjeshtër

T’ia dinim për njeri-tjetrin nuk deshem.

Rri n’meni kujtue A nime t’kam lodh tuj t’dashunue?

T’uj tdasht a nime t’kam venit? Që su banëm bashke nje dite.

Shkoj pertej andrra t’harrume

Me pertrij k’te dashni t’dekun Rrudhat e ballit, mbi balle vizatue

Si u denu n’meri ky shpirt i mekun Lodh e harru n’nem t’fatit Ke cepi xhamit rri e t’pres pa shpirt

Natë e hidhun kur s’do t’vijsh Shuan hije, shuan hanë

Kjo dashni e pa fan N’meni t’keq qysh m’ke lan

 

P.S

Dalina Arifi eshte poete e re nga Prizreni. Studion Gjuhe dhe Letersi Shqipe ne Universitetin e Prizrenit « Ukshin Hoti ». Me krijimtari letrare ajo merret qysh ne shkollen fillore. Poezi te shkruara ka mbi 50, ndersa disa prej tyre jane botuar neper revista e gazeta letrare ne shtypin tone periodik. Se shpejti presim librin e pare te saj. Diten e botim ajo e mban surprize per lexuesit e saj

Derniers articles