Presheve, 27 dhejtor -Enkel Rexhepi nga Partia për Veprim Demokratik (PDD) është kryetari i ri i Këshillit Kombëtar të Shqiptarëve. Ai zëvendësoi Nevzta Lutfian nga Lëvizja për Progres Demokratik (PDP) në atë post. Kjo ishte marrëveshja e këtyre dy partive pas zgjedhjeve për Këshillin Kombëtar të Shqiptarëve, njofton gazeta zvicerane në shqip Le Canton27.ch
Rexhepi sot ka postuar një mesazh për bashkatdhetarët në llogarinë e tij në Facebook
“Të dashur vëllezër dhe motra shqiptarë, Sot, kur marr këtë detyrë të lartë të kryetarit të Këshillit Kombëtar Shqiptar, ndjej thellë përgjegjësinë dhe krenarinë që më keni besuar. Ky është një moment i veçantë jo vetëm për mua, por edhe për të gjithë shqiptarët kudo që janë, sepse ky këshill është zëri i luginës sonë – zëri i bashkimit, përparimit dhe identitetit tonë të përbashkët.
Sot vij para jush me një vizion të qartë: të forcojmë bashkëpunimin, të mbrojmë të drejtat tona kombëtare dhe të ndërtojmë një të ardhme më të ndritshme për çdo shqiptar. Ky këshill duhet të jetë jo vetëm një forum diskutimi, por edhe një motor ndryshimi, një udhërrëfyes bashkimi dhe zhvillimi.
Për më shumë Shqipëri dhe Kosovë në Luginë
Në një botë që ndryshon me shpejtësi, shqiptarët duhet të jenë gjithmonë unikë dhe të gatshëm për sfida të reja. Detyra jonë nuk është vetëm të ruajmë trashëgiminë tonë kulturore dhe gjuhën tonë të lashtë, por ta forcojmë atë në zemrat dhe mendjet e brezave të rinj. Të jemi rojtarë të kulturës sonë, e ndërkohë lider në arsim, ekonomi dhe teknologji.
Sot ju premtoj se si kryetar i KKSH-së:
- Do të luftoj pa u lodhur për të mbrojtur të drejtat dhe interesat e çdo shqiptari kudo që ai ndodhet.
- Do të punoj për forcimin e lidhjeve tona kombëtare, ndërtimin e urave të bashkëpunimit mes shqiptarëve në Kosovë, Shqipëri, Maqedoninë e Veriut, Mal të Zi, Luginën e Preshevës dhe diasporën.
- Unë do të marr përsipër që çdo vendim i këtij këshilli të jetë në shërbim të kombit tonë, duke vënë mbi gjithçka interesin kombëtar. Shqiptarët e kanë dëshmuar me shekuj se janë një komb i fuqishëm, një komb që i kalon vështirësitë dhe bëhet më i fortë. Tani është koha për të marrë fatin tonë në duart tona, për të hedhur themele të forta për të ardhmen që fëmijët tanë do të trashëgojnë me krenari.
Ju falënderoj nga zemra për besimin tuaj. Ky është një amanet që nuk do ta tradhtoj. Së bashku do të tregojmë se shqiptarët mund të jenë gjithmonë shembull bashkimi, përparimi dhe dinjiteti kombëtar.
Zoti e bekoftë Luginën e Preshevës!
Zoti e bekoftë popullin shqiptar!
Me respekt dhe përkushtim,
Enkel Rexhepi
Kryetar i Këshillit Kombëtar të Shqiptarëve