Pekin, 5 maj -Vizita u zhvillua në kuadër të 75-vjetorit të marrëdhënieve diplomatike. Zvicra ishte vendi i parë në Evropën kontinentale që nënshkroi një marrëveshje dypalëshe të tregtisë së lirë me Kinën. Këshilltari Federal Cassis u takua me Ministrin e Jashtëm Wang Yi dhe i bëri homazhe 75 viteve të marrëdhënieve dypalëshe, raporton nga Pekini gazeta zvicerane ne shqip LeCanton27.ch.
17 janar 1950: Zvicra njeh zyrtarisht Republikën Popullore të Kinës
75 vjet më parë, Zvicra ishte një nga vendet e para perëndimore që njohu zyrtarisht Republikën Popullore të Kinës të sapoformuar. Qëllimi: të fitohet akses i privilegjuar në një treg me potencial të madh.
« Sikur Zvicra ashtu dhe Shqipëria kanë marëdhenie te mira me Kinën sidomos ne fushen ekonomike dhe kulturore. Megjithëse Zvicra eshte me e pranishme se sa Shqiperia ne Kinë si ekonomikisht ashtu edhe me njerez. Psh mbi 1000 kompani zvicerane jane sot ne Kine, jane mbi 2.600 zvicerane që jetojne dhe punojne ne Zvicer… » shkruan nga Pekini gazeta zvicerane ne shqip LeCanton27.ch.
Kina: Këshilltari Federal Cassis u takua me Ministrin e Jashtëm Wang Yi dhe i bëri homazhe 75 viteve të marrëdhënieve dypalëshe
Kina është një partner i rëndësishëm i Zvicrës për sa i përket bashkëpunimit në fushën e arsimit, kërkimit dhe inovacionit. Dialogët zyrtarë në këto fusha mundësojnë diskutime mbi tema me interes të përbashkët, por edhe inicimin dhe inkurajimin e projekteve.
« Zvicra u bë vendi i parë evropian që nënshkroi një marrëveshje të tregtisë së lirë me gjigantin aziatik në vitin 2013, me synimin për të fituar akses të privilegjuar në tregun e saj ekonomik… » ka shtuar ambasadori zviceran ne Pekin.
Në Pekin, Këshilltari Federal Ignazio Cassis u takua me Ministrin e Jashtëm kinez Wang Yi. Diskutimet u përqendruan në marrëdhëniet dypalëshe, situatën ekonomike globale, si dhe zhvillimet në Ukrainë, Lindjen e Mesme dhe Azinë Lindore. Të dy ministrat riafirmuan gjithashtu interesin e tyre të përbashkët për forcimin e bashkëpunimit shumëpalësh dhe adresimin e çështjeve të politikës së sigurisë brenda këtij kuadri.
Gjatë vizitës së tij në Shangai, Këshilltari Federal Ignazio Cassis vizitoi fabrikën Schindler, një simbol i bashkëpunimit të hershëm ekonomik midis dy vendeve. Vizita u përqendrua kryesisht në negociatat në vazhdim në lidhje me modernizimin e marrëveshjes dypalëshe të tregtisë së lirë.
Me vizitën e tij, Këshilltari Federal Cassis i bëri homazh thellësisë historike të marrëdhënieve dypalëshe dhe nënvizoi rëndësinë e Kinës si partneri kryesor ekonomik i Zvicrës në Azi.
Këto dy ditë të kaluara në Pekin dhe Shangai shënuan fundin e udhëtimit të zotit Cassis në Japoni dhe Kinë. Takimet zyrtare të mbajtura dhe aktivitetet e kryera nga këta të fundit pasqyrojnë rëndësinë e këtyre dy vendeve për Zvicrën, veçanërisht në nivelin ekonomik dhe politik.
Kina: Këshilltari Federal Cassis u takua me Ministrin e Jashtëm Wang Yi dhe i bëri homazhe 75 viteve të marrëdhënieve dypalësheUdhëtimi i Këshilltarit Federal Ignazio Cassis përfundoi me një pritje me komunitetin zviceran në Konsullatën e Përgjithshme Zvicerane në Shangai. Duke komentuar pritjen, e cila kishte temën e inovacionit, kreu i FDFA-së tha: « Puna juaj e palodhur dhe inovacionet jo vetëm që forcojnë reputacionin tonë, por kontribuojnë edhe në prosperitetin ekonomik të Zvicrës dhe Kinës ».