Më parë “Halloween” kishte emër tjetër duke u quajtur si Dita e të Gjithë Shenjtërimit dhe më vonë u quajt “Halloween”. Me kalimin e kohës, “Halloween” ka evoluar në një ngjarje laike, të bazuar në komunitet dhe karakterizuar nga aktivitetet miqësore për fëmijët.
Në Shtetet e Bashkuara të Amerikës festimi i parë i “Halloween” është regjistruar në shtetin verior të Minnesotas në vitin 1921.
Këngëtarja shqiptare me famë botërore, Dua Lipa, nuk ka hezituar asnjëherë që nëpër media të tregojë bindjet e saj politike.
Së fundmi, ajo ka treguar se është rreshtuar kah kandidati demokrat, Joe Biden, i cili po kandidon për president të Shteteve të Bashkuara të Amerikës.
Dua ka ironizuar me presidentin aktual, Donald Trump ku e ka krahasuar me kunguj në prag të zgjedhjeve presidenciale të Shteteve të Bashkuara të Amerikës.
Këtë herë ajo ka publikuar një imazh duke përqeshur presidentin e tanishëm me disa vargje, “Donald Trumpkin. I portokalltë nga jashtë, bosh nga brenda dhe duhet të hidhet që javën e parë të nëntorit.” thotë fotografia e një tabele në formë shakaje të festës së Halloween që mbahet në prag të zgjedhjeve.
Kujtojmë se, vitin e kaluar, Dua Lipa kishte kundërshtuar përmes rrjeteve sociale zgjedhjen kryeministër të Britanisë së Madhe, Boris Johnson, duke e quajtur një dështim të gjithë këtë.