Ministria për Europën dhe Punët e Jashtme në bashkëpunim me Ambasadën zvicerane në Tiranë, organizuan sot Konferencën Shkencore me temë: “50 vjet marrëdhënie diplomatike Shqipëri-Zvicër”, njofton gazeta zvicerane në gjuhen shqipe « Le Canto27.ch »
Në një konferencë të përbashkët Ambasada e Zvicrës në Shqipëri dhe Ministria për Evropën dhe Punët e Jashtme sollën nëpërmjet rrëfimeve historikun e kësaj marrëdhënieje diplomatike.
I pranishëm në këtë takim nëpërmjet një vieo mesazhi Ministri i Jashtëm i Zvicrës Ignazzio Cassis, theksoi se Zvicra është e përkushtuar të vazhdojë të qëndrojë përkrah Shqipërisë në rrugën e saj drejt integrimit evropian.
“Unë ju bashkohem në festimin e këtij përvjetori dhe në reflektimin mbi lidhjet dhe marrëdhëniet midis dy vendeve tona. Le të vazhdojmë të ndërtojmë dhe të rrisim shkëmbimet tona në dobi të popullit shqiptar dhe atij zviceran”, tha shefi i diplomacise helvetike Cassis nga DFAE ne Bernë.
Ambasadori zviceran në Shqipëri, Ardian Maitre, duke u bazuar në historikun e marrëdhënieve mes dy vendeve u shpreh se, “50 vjet më parë dy vendet tona firmosën marrëdhënie formale diplomatike dypalëshe. Kjo ndodhi pavarësisht Perdes së Hekurt dhe Luftës së Ftohtë të asaj kohe, pavarësisht sistemeve të ndryshme politike. Kjo ishte një arritje e madhe. Në 50 vitet që pasuan, dy vendet tona kanë intensifikuar shkëmbimet. Ato janë afruar dhe bashkëpunojnë ngushtë”.
Shume o pak, sot me 29 shtator 2020 bëhen plote 5 decenie te miqesie, bashkepunmimit dhe mardhenive diplomatike mes shtetit helvetik Zvcres dhe atij Shqiptar. Kjo miqësi mes shqiptareve dhe zviceraneve eshte pertire edhe me shume me 17 mars 2018 me rastin e njohjes se shtetit tjeter te ri shqiptar-Kosovës nga shteti mik Zvicran, shkruan gazeta zvicerane në gjuhen shqipe « Le Canto27.ch »
Suksesi i Zvicrës si konfederatë, filloi pikërisht në vitin 1516 me shpalljen e neutralitetit. Nga ajo periudhë, Konfederata Zvicerane vendosi të mos marrë më pjesë nëpër luftëra duke shpallur neutralitetin, prej nga ka njohur vetëm suksese e duke u kthyer kështu në një vend të sigurtë të depozitimit të parave nga shumë shtete e pasanikë nga e gjithë bota.
Zvicra nuk ka marrë pjese në asnjerën nga 2 luftërat e mëdha botërore, edhe pse ishte në mes të shumë shteteve që luftuan me njëri-tjetrin. Historia e përmbledhur, një gjeneral i madh ushtarak shqiptar i asaj kohe, ndikoi me forcën e tij, që Zvicra të vendoste t’i rrinte larg luftërave, duke pasuar kështu me një rritje ekonomike të pashembullt.