Bernë, 6 gusht -Shkalla e papunësisë në kantonin Vaud u rrit me 0,1 pikë për t’u vendosur në 3,7% në fund të korrikut 2024. E njëjta tendencë vërehet në kantonet e Zvicrës frëngjisht-folëse dhe Ticino ndërsa norma kombëtare mbetet e qëndrueshme (2,3%), njofton gazeta zvicerane në shqip Le Canton27.ch
Shkalla e papunësisë e rregulluar sezonalisht në Zvicër ishte 2.3 për qind në korrik, që është e njëjtë me tre muajt e mëparshëm, njoftoi sot Sekretariati Shtetëror Zviceran për Ekonominë (SECO),
Numri i të papunëve në Zvicër në muaj është rritur për 3,198 në 107,716 persona të papunë, që është shifra më e lartë për katër muajt e fundit.
Sipas Le Canton27.ch, shkalla e papunësisë së të rinjve nga mosha 15 deri në 24 vjeç është rritur nga dy për qind në 2,2 për qind, ndërsa numri i të papunëve në këtë kategori është rritur me 953 në 9901 gjithsej.
Shkalla e papunësisë e rregulluar sezonalisht në Zvicër u rrit nga 2.4 përqind në qershor në 2.5 përqind në korrik.
Norma vjetore e inflacionit në Zvicër ishte 1.3 për qind në korrik, e njëjtë me atë të qershorit, njoftoi së fundmi Byroja Federale Zvicerane e Statistikave BFS.
Në bazë mujore, inflacioni në Zvicër ra me 0.2 për qind. Norma vjetore e inflacionit bazë në Zvicër ishte 1.1 për qind në korrik, që është e njëjtë me atë të qershorit.