Berne, 7 korrik -Zyra e Prokurorit Federal po akuzon një shtetas kosovar të dyshuar si Emir i degës zvicerane të një organizate terroriste kosovare. Ai dyshohet se ka rekrutuar anëtarë në Gjenevë dhe ka mbështetur ISIS-in, njofton gazeta zvicerane ne shqip LeCanton27.ch duke ju referuar burimeve te prokurorise federale.
Zyra e Prokurorit Federal (BA) ka ngritur akuza kundër një shtetasi kosovar (36) me dyshimin se është Emir i degës zvicerane të një organizate terroriste kosovare.
LeCanton27.ch duke ku teferusr burimeve te BA, ai dyshohet gjithashtu se ka qenë aktiv në udhëheqjen e kësaj organizate në Kosovë
I akuzuari akuzohet se ka kryer aktivitete që synojnë indoktrinimin, financimin dhe rekrutimin e anëtarëve të rinj në emër të kësaj organizate terroriste, kryesisht në rajonin e Gjenevës, me mbështetjen e një të akuzuari tjetër.
Të akuzuarit dyshohet gjithashtu se janë përfshirë në aktivitete propagandistike për ideologjinë e organizatës terroriste « Shteti Islamik », si përmes takimeve të tyre të rregullta ashtu edhe, në rastin e të akuzuarit të dytë, edhe në nivel individual. Prandaj, të dy të akuzuarit dyshohen se kanë mbështetur organizatën terroriste « Shteti Islamik » me këto veprime dhe njëkohësisht kanë përhapur ideologjinë e saj.