Kryetari i Komunës së Skenderajt, Bekim Jashari, ka pritur në takim miqësor Kryetarin e Shoqatës Panshqiptare- Vatra, Elmi Berisha, së bashku me bashkëpunëtorë, metë cilët ka biseduar rreth bashkëpunimit në realizimin e projekteve të përbashkëta, shkruan gazeta zvicerane ne gjuhen shqipe « Le Canton27.ch »
“Pata nderin që në emër të familjes sime të pranoj një mirënjohje nga “Vatra” për kontributin e Komandantit Legjendar Adem Jashari dhe familjes Jashari në çlirimin e vendit”, tha Kryetari Jashari.
Jashari falënderoj Kryetarin Berisha për angazhimin e tij dhe lobit shqiptar në SHBA në përkrahje të shtetit tonë.
“Ishte konkluzion i përbashkët që shteti ynë nuk ka krijuar kushte të favorshme për investime ndërkombëtare dhe për më tepër pengesat burokratike po pengojnë zhvillimin ekonomik të shtetit tonë”, shtoi tutje Jashari.
