Bernë, 2 qershor -Studentët serbë kane hyre ne muajine shtate te rpotestave masovike ane kend Serbise dhe ne vendet everipiane. ASta nuk ndalen deri në rrezimin e Vucicit. Qindra mijëra njerëz janë zotuar të vazhdojnë luftën për drejtësi dhe sundim të ligjit në Serbi, duke kërkuar zgjedhje të parakohshme parlamentare, raportoi sot agjencia amarikane Associated Press (AP), transmeton gazeta zvicerane e shqip LeCanton27.ch
« Studentët bllokuan urat në Beograd dje dhe mbajtën tubime në 30 qytete të tjera, duke shënuar shtatë muaj që nga shembja e një tendë në stacionin e trenit të Novi Sadit, dhe se protestat e studentëve, siç thuhet, kanë vënë në pikëpyetje sundimin e fortë të Aleksandar Vuçiç… » shkruan ne vazhdim AP
Raporti i agjencisë shtoi se shumë qytetarë serbë besojnë se shembja e tendës në stacionin e trenit, e cila vrau 16 persona, ishte rezultat i rinovimit të dobët të stacionit, dhe se shembja është e lidhur me korrupsionin në projektet e mëdha të infrastrukturës nga qeveria serbe me kompanitë shtetërore kineze.
Vuçiç, shkruan AP, ka hedhur poshtë mundësinë e shpalljes së zgjedhjeve të parakohshme, por të premten, më 30 maj, ai përsëri tha se ato mund të mbahen, por nuk përmendi se kur.
Protestat e djeshme thuhet se përfshinin ceremoni përkujtimore për viktimat e shembjes së tendës në Novi Sad, dhe studentët në atë qytet vendosën një kurorë para vendit të shembjes në stacionin e trenit.
AP shton se mediat pro-qeveritare thuhet se i përshkruan bllokadat e djeshme në Beograd si terror dhe deklaruan në mënyrë të rreme se vetëm pak njerëz morën pjesë në tubime.
Agjencia shton se populistët në pushtet kontrollojnë pjesën më të madhe të mediave në Serbi, dhe se këto media shpesh sulmojnë kundërshtarët e qeverisë dhe i akuzojnë ata për veprime anti-shtetërore, ndërsa përfaqësuesit e qeverisë akuzohen për shtypjen e lirive demokratike, përfshirë lirinë e shtypit.
Lëvizja studentore po bën thirrje për zgjedhje të parakohshme, duke argumentuar se qeveria aktuale nuk mund t’i përmbushë kërkesat e tyre për drejtësi për viktimat e shembjes së tendës, dhe se zgjedhjet presidenciale dhe parlamentare nuk do të mbahen deri në vitin 2027, vazhdon AP, citon gazeta zvicerane e shqip LeCanton27.ch.
Agjencia shton se askush nuk është dënuar në lidhje me tragjedinë e Novi Sadit dhe se ekziston dyshimi i përhapur se procedurat ligjore në vazhdim do të zbulojnë korrupsionin e dyshuar pas aksidentit dhe se qeveria e Vuçiçit ka rritur presionin mbi protestuesit, duke përfshirë ndalimet policore, frikësimin dhe sulmet fizike.