Dje, në kuadër të Samitit të Komunitetit Politik Evropian (EPC) pata kënaqësinë të bisedoj me presidentin e Konfederatës së Zvicrës, Guy Parmelin.
Marrëdhënieve të mira dypalëshe u paraprin lidhja e fortë e mërgatës sonë me popullin dhe shtetin zviceran. Jemi mirënjohës për kontributin e Zvicrës, me të cilën muajin e kaluar nisëm një kapitull të ri bashkëpunimi, me rastin e hyrjes në fuqi të Marrëveshjes për Tregti të Lirë (EFTA), që përfshin edhe shërbimet përveçse mallrat.
Presidenti Guy Parmelin: Marrëdhëniet ndërmjet Zvicrës dhe Kosovës janë Excellent!
Ditë më parë, presidenti i Konfederatës Zvicerane, Guy Parmelin, përmes gazetës zvicerane në gjuhën shqipe LeCanton27.ch, i kishte përcjellë urimet e tij Kosovës për stabilitetin institucional, zgjedhjen e presidentes së re dhe formimin e Qeverisë së re.
Ne kemi nënshkruar me partnerët tanë një marrëveshje të tregtisë së lirë, të cilën dëshirojmë ta zbatojmë. Ne i mbështesim plotësisht përpjekjet për të garantuar stabilitetin në rajon.
Kam pasur rastin ta takoj dy herë kryeministrin e Kosovës, zotin Albin Kurti. Herën e fundit jemi takuar në Davos, ku arritëm marrëveshjen me EFTA-n, e cila nga 1 tetori ka hyrë në zbatim. Kjo përbën një mundësi të re për ekonominë dhe bizneset e Kosovës, si dhe për produktet “Made in Kosova”.
Sa u përket marrëdhënieve tona me Prishtinën zyrtare, mund të them se marrëdhëniet ndërmjet Zvicrës dhe Kosovës janë të shkëlqyera. Edhe diaspora kosovare këtu në Zvicër është sot shembull integrimi dhe suksesi.