Gjenevë, 9 Nentor -Ish- drejtguesi i agejncise se lajemeve « Presheva Jonë » sot redaktro i gaztes zvcerane LeCanton27.ch eshte media e para shqiptare që promovuan Rexhep Rexhepin, mjeshtrin e orëve luksoze në Gjenevë.
Rexhep Rexhepi, shqiptari që po shkruan histori në metropolin botëror të orëve
Nga një djalosh i ardhur nga Zhegra e Kosovës, te një prej emrave më të vlerësuar të orëndreqjes luksoze në botë. Një talent që meriton të njihet dhe të promovohet si shembull suksesi shqiptar në Zvicër.
GJENEVË – Shqiptarët në Zvicër po dëshmojnë se talenti, përkushtimi dhe puna e palodhshme nuk njohin kufij. Një nga shembujt më të veçantë të këtij suksesi është Rexhep Rexhepi, orëndreqësi me prejardhje nga Kosova, i cili nga një djalosh i apasionuar pas mekanizmave të orëve është shndërruar në një emër të njohur ndërkombëtarisht në industrinë e orëve luksoze.
Historia e tij është një rrugëtim frymëzues: nga fshati Isufaj i Zhegrës në Kosovë, drejt Gjenevës, qytetit që konsiderohet një nga qendrat më prestigjioze të orëndreqjes botërore.
Një ëndërr që filloi me orën e babait
Në vitin 1998, familja Rexhepi u largua nga Kosova dhe u vendos në Zvicër, në kohën kur vendi i tyre po përjetonte luftën dhe pasigurinë. Rexhepi ishte vetëm 12 vjeç kur mbërriti në Gjenevë.
Pasioni për orët kishte lindur shumë më herët. Ai kujtonte orën zvicerane Tissot të babait të tij, të cilën e merrte për ta dëgjuar dhe përpiqej ta hapte për të kuptuar mekanizmin e saj.
Në moshën 14-vjeçare filloi praktikën profesionale në kompaninë prestigjioze Patek Philippe, duke hedhur hapat e parë në një profesion që më vonë do ta bënte të njohur në mbarë botën.
Babai i tij kishte ëndërruar që i biri të bëhej avokat, por Rexhepi kishte zgjedhur një rrugë tjetër: artin e orëndreqjes.
AkriviA – marka shqiptare që mori vëmendjen e botës së orëve
Në vitin 2012, në moshën 25-vjeçare, Rexhep Rexhepi themeloi në Gjenevë markën e tij të orëve luksoze, AkriviA.
Ai nuk synonte thjesht të prodhonte orë, por të krijonte mekanizma të veçantë, me përfundime artistike dhe mjeshtëri të jashtëzakonshme teknike.
Me punën e tij, ai arriti të tërhiqte vëmendjen e koleksionistëve dhe njohësve më të mëdhenj të orëve luksoze në botë. Orët e AkriviA-s u bënë pjesë e një tregu ekskluziv, ku çmimi nuk përcaktohet vetëm nga materiali, por mbi të gjitha nga mjeshtëria, koha dhe rrallësia e krijimit.
Kush ishte gazetari i parë shqiptar në Zvicër qe e zbuloi dhe e promovoi këtë talent ne Gjenevë?
Një aspekt që meriton të theksohet është edhe roli i mediave shqiptare në Zvicër në promovimin e talenteve të diasporës.
Redaktori i gazetës zvicerane në gjuhën shqipe LeCanton27.ch, Nefail Maliqi, e kishte vizituar dhe intervistuar Rexhep Rexhepin në punishten e tij në Gjenevë, duke e prezantuar punën dhe krijimtarinë e tij për publikun shqiptar.
Ky raportim, i realizuar në maj të vitit 2018, ishte një dëshmi se gazetaria shqiptare në Zvicër po ndiqte dhe promovonte edhe sukseset që shkonin përtej sportit, politikës dhe biznesit tradicional.
Për here të pare në vitin 2016, për Rexhepin kishte shkruar agjencia e lajmeve Presheva Jonë qe drejtohej atbote nga gazetari i njohur Nefail Maliqi ne OKB, ku kishte publikuar një material ku Rexhepi fliste për punën dhe markën e tij AkriviA.
Këto raportime dëshmojnë se interesimi i mediave shqiptare për këtë mjeshtër kishte lindur shumë përpara se emri i tij të bëhej i njohur për publikun e gjerë ndërkombëtar.
Aiguille d’Or – një vlerësim në majën e orëndreqjes botërore
Karriera e Rexhep Rexhepit është shoqëruar me vlerësime të rëndësishme ndërkombëtare. Në vitet 2018 dhe 2022, ai fitoi çmime në Grand Prix d’Horlogerie de Genève (GPHG), një nga konkurset më prestigjioze të industrisë së orëve.
Ndërsa në edicionin e vitit 2026, krijimi i tij «Chronograph Flyback» u nderua me çmimin e madh Aiguille d’Or, vlerësimi kryesor i kësaj ceremonie.
Ky çmim përfaqëson një arritje të jashtëzakonshme në karrierën e tij dhe një moment krenarie për komunitetin shqiptar në Zvicër dhe më gjerë.
Një histori suksesi që meriton të rrëfehet
Rexhep Rexhepi nuk është vetëm një emër në industrinë e orëve luksoze. Ai përfaqëson një histori integrimi, talenti dhe këmbënguljeje. Një djalosh që mbërriti në Zvicër nga Kosova, mësoi një zanat të vështirë, krijoi markën e tij dhe arriti të fitojë respektin e një industrie me tradita shekullore.
Sot, rrugëtimi i tij është një dëshmi se shqiptarët e diasporës nuk janë vetëm pjesëmarrës në zhvillimin e shoqërisë zvicerane, por edhe krijues, inovatorë dhe protagonistë në skenën ndërkombëtare.
Nga Zhegra në Gjenevë, nga ëndrra e një fëmije te maja e orëndreqjes botërore: kjo është historia e Rexhep Rexhepit, një emër që meriton të shkruhet me krenari në historinë e suksesit shqiptar në Zvicër.
Kte kujtim per talentin tone shaiptare ne Gjenevë do ta pefindjme me dy deklatat te dy prindtev te fundit ne Zvcer qe kane folur për imazhin dhe skseset e shipatreve ne territorin helvetik. Keshtu, ish-presidentja e Konfederatës Zvicerane, Karin Keller-Sutter, nuk i tha rastësisht redaktorit të gazetës zvicerane LeCanton27.ch, vitin e kaluar në Bernë, se: «Zvicra nuk mund të paramendohet pa shqiptarët!»
Të njëjtin vlerësim e ka shprehur edhe presidenti aktual i Zvicrës, z. Guy Parmelin ne fikllim te ketij muaji ne Benrë gjatë një dreke presidenciale me gazetarët boteror (OKB), ku ishte i pranishëm edhe gazetari ynë i njohur ndërkombëtar, Nefail Maliqi.
Pyetje se gazetarit shqiptar per imazhdin diaspores ne Zvicër, presidenti Parmelin ju është pergjgijur se: «Shqiptarët sot në Zvicër janë shembull integrimi dhe suksesi, jo vetëm në futboll, por edhe në shumë fusha të tjera, nga gastronomia deri te deputetët dhe ndërtimtaria»..
LeCanton27.ch – Zëri i shqiptarëve në Zvicër.
