Zvicra ka nevojë për mjekë, por mjekët nga Ballkani përballen me pengesa për të punuar atje
Pavarësisht kërkesës për personel mjekësor në sistemin shëndetësor zviceran, mjekët e diplomuar në Kosovë, Shqipëri dhe Maqedoni të Veriut përballen me procedura të ndërlikuara për njohjen e diplomave, kërkesa gjuhësore dhe vështirësi në hyrjen në tregun e punës. Mjekë të diplomuar në Kosovë, Shqipëri dhe Maqedoni të Veriut, të cilët dëshirojnë të punojnë në spitalet dhe institucionet shëndetësore zvicerane, duhet të kalojnë nëpër një proces administrativ dhe profesional që mund të jetë i gjatë dhe i kushtueshëm.
Në këtë mënyrë krijohet një situatë që ngre pikëpyetje: si është e mundur që një vend me nevojë për mjekë të mos e ketë të lehtë integrimin profesional të mjekëve të diplomuar jashtë Bashkimit Evropian?
Diplomat nuk njihen automatikisht. Një nga pengesat kryesore është njohja e diplomave. Ndryshe nga mjekët që kanë përfunduar studimet në shtetet e BE-së ose EFTA-s dhe që mund të përfitojnë nga procedurat përkatëse të njohjes, diplomat e marra në Kosovë, Shqipëri dhe Maqedoni të Veriut nuk njihen automatikisht në Zvicër.
Për këta mjekë, procedurat kalojnë nëpër autoritetet kompetente zvicerane, përfshirë Komisionin Federal për Profesionet Mjekësore, MEBEKO.
Në varësi të rastit, mund të kërkohet regjistrimi i diplomës, plotësimi i kushteve shtesë ose ndjekja e një rruge alternative për të fituar të drejtën e ushtrimit të profesionit.
Kjo do të thotë se një mjek mund të ketë përfunduar studimet, të ketë përvojë pune dhe madje edhe specializim në vendin e tij, por kjo nuk nënkupton se mund të fillojë menjëherë punën në një spital zviceran.
Gjuha dhe përvoja profesionale, sfida të tjera
Përveç njohjes së diplomës, një kusht i rëndësishëm është njohja e gjuhës së kantonit ku mjeku dëshiron të punojë. Në Zvicrën gjermanofone kërkohet njohja e gjermanishtes, në kantonet frankofone frëngjishtja, ndërsa në Ticino italishtja. Për regjistrimin e njohurive gjuhësore në regjistrin MedReg, niveli minimal i kërkuar është zakonisht B2. Megjithatë, institucionet shëndetësore mund të kërkojnë njohuri më të avancuara, për shkak të përgjegjësisë së madhe që ka komunikimi ndërmjet mjekut dhe pacientit.
Të dhënat e Federatës së Mjekëve Zviceranë, FMH, tregojnë se një pjesë e konsiderueshme e mjekëve që punojnë në Zvicër kanë diplomë të huaj. Sipas statistikave të vitit 2024, rreth 41.3 për qind e mjekëve aktivë kishin diplomë të marrë jashtë Zvicrës.
Ndërkohë, raportimet e mediave zvicerane kanë vënë në pah edhe vështirësitë e mjekëve të rinj për të siguruar vende të formimit specialistik. Pra, sfida nuk është gjithmonë vetëm gjetja e një pune, por edhe sigurimi i një pozite që u mundëson përparimin profesional.
Sot ka qindra mjekë shqiate nga ballkani , kyresiht nga Kosova dhe Shqipëria që jetojnë në Zvicër, te papune që nuk kanë arritur të punojnë në profesionin për të cilin janë shkolluar, qe len te koptohet se ata me shume kane adhur në Zvicer per të pnuar cfare do pune ose te fitojne nje status, se sa vetete te punojne ne profesionin e tyre