Shkruan: Skender SALIHI
Të gjitha personat, pavarësisht nga dallimet e tyre, kanë të drejtë për një trajtim të barabartë dhe me respekt. Personat me probleme të shikimit, me lëvizshmëri të kufizuar apo me aftësi të kufizuara duhet të priten dhe të integrohen me dinjitet dhe drejtësi, në të gjitha fushat e jetës.
Brenda shtetit, komunave dhe madje edhe në sektorin privat, shumë funksione mund të kryhen me shkëlqim nga persona me aftësi të kufizuara. Potenciali, talentet dhe përvojat e tyre pasurojnë shoqërinë dhe organizatat tona.
Është përgjegjësia jonë t’u hapim atyre këto mundësi. Përfshirja nuk kufizohet vetëm në përshtatjen e infrastrukturave: është gjithashtu një çështje mentaliteti, angazhimi dhe përgjegjësie. Secili prej nesh mund të luajë një rol për të ndërtuar një mjedis ku të gjithë gjejnë vendin e tyre, pa diskriminim.
Përfshirja nuk duhet parë si një ideal i thjeshtë, por si një realitet konkret dhe i arritshëm. Të vlerësojmë dallimet, të shndërrojmë pengesat në mundësi dhe të ndërtojmë një qytet ku diversiteti është një normë dhe jo një përjashtim.