Skiatori Marco Odermatt ka shënuar fitore në disiplinën e supersllallomit të madh në Kupën e Botës, që u mbajt në Qendrën e Skive në Saalbach-Hinterglemm të Austrisë.
Zvicerani doli i pari me një kohë shumë të mirë, 1:23,59 minuta apo duke e lënë pas për 62 qindtat francezin Matthieu Bailet.
Austriaku Vincent Kriechmayr dje fitoi garën e lëshimit, por sot nuk arriti më shumë se në pozitën e tretë dhe me kohë më të dobët për 81 qindtat se fituesi i garës, apo ishte më i shpejt për 2 qindtat se bashkëkombësi i tij Raphael Haaser.
Në renditjen e përgjithshme të Kupës së Botës, Pinturault udhëheq me 1050 pikë, duke e lënë pas Odermatt (969), Schwarz (718), Mayer (700) etj.
Në supersllallom të madh Kriechmayr kryeson me 401 pikë, përcillet nga Odermatt (318), Mayer (276) etj.
Renditja
1. Marco Odermatt (Zvicra) 1:23,59
2. Matthieu Bailet (Franca) +0,62
3. Vincent Kriechmayr (Austria) +0,81
4. Raphael Haaser (Austria) + 0,83
5. Justin Murisier (Zvicra) +0,98
6. Beat Feuz (Zvicra) +1,17
7. Mathias Mayer (Austria) +1,28
8. Andreas Sander (Gjermania) +1,54
9. Bryce Bennett (SHBA) +1,56
10. Daniel Hemetsberger (Austria) +1,60