2.7 C
Berne
jeudi 1/12/2022

Tragjedia në spitalin e Tetovës, shkon në 14 numri i viktimave

Tetovë, 9 shtator -Ka shkuar në 14 numri i viktimave nga tragjedia në spitalin e Tetovës. Klan Macedonia raporton se nga shpërthimi që ndodhi dje në spital numri i viktimave është rritur dhe tashmë janë konfirmuar për 14 të tilla, njfton gazetas zvicerane nga Tetova Le Canton27.ch

Ndërkohë bëhet me dije se në spital në momentin e shpërthimit kanë qenë 30 persona, personel dhe pacientë.

Klan Macedonia shton se gjatë shpërthimit kanë arritur që të largohen 6 persona. Zjarri tashmë është vënë nën kontroll, pasi një numër i madh zjarrfikësish kanë punuar gjatë gjithë natës.

Lidhur me shpërthimin në spital është zhvilluar dhe një mbledhje e Shtabit të Krizës në komunën e Tetovës, ku ka marrë pjesë dhe kryeministri Zoran Zaev.

Komuna e Tetovës shpall tre ditë zie për tragjedinë në spital

Mediat në vend bëjnë me dije se prokurorët kanë dhënë urdhër për identifikimin e trupave të 14 personave që kanë humbur jetën në zjarrin.

Për disa nga viktimat do të duhet analizë e ADN-së që të vërtetohet identiteti i tyre. Deri tani nga prokuroria është njoftuar se nuk ka personel mjekësor në mesin e viktimave.

Hetuesit kanë marrë në pyetje punonjës të spitalit mobil me qëllim të zbardhjes së shkaqeve të zjarrit, njëkohësisht është dhënë urdhër që të sigurohen xhirimet e mbikëqyrjes së objektit.

Këshilli i Komunës së Tetovë së mbledhjen e sotme ka marrë vendim që të shpall tre ditë zie për viktimat e tragjedisë së mbrëmshme.

Prokuroria: S’ka personel mjekësor në mesin e viktimave

Prokuroria në Maqedoninë e Veriut ka nisur hetimet për zbardhjen e shkaqeve të shpërthimit në spitalin e Tetovës, po ashtu po punohet dhe për identifikimin e viktimave.

Ndërkohë kryetarja e Komunës së Tetovës, Teuta Arifi, në një deklaratë për mediat ka shprehur edhe njëherë ngushëllimet për familjarët e viktimave dhe ka kërkuar nga qytetarët që të informohen vetëm nga informacionet zyrtarë që dalin nga strukturat shtetërore.

Deri në informacionet zyrtare, do t’i presim ato dhe ne mënyrë të rregullt do t’ju informojmë. Në mbledhjen e radhës, pasi të kemi informacione më të detajuara për fatkeqësinë, nga fondet emergjente të Komunë së Tetovës do ti ndihmojmë familjet e viktimave. Kjo është dhimbje e madhe për gjithë Tetovën”, tha Teuta Arifi, kryetare e Komunës së Tetovës.

Nga tragjedia e ndodhur mbrëmë në spitalin e Tetovës kanë humbur jetën 14 persona, të cilët mësohen se janë të gjithë pacientë dhe nuk ka asnjë personel mjekësor në mesin e viktimave.

Qeveria shpallë 3 ditë zie kombëtare

Qeveria e Maqedonisë së Veriut ka zhvilluar sot një mbledhje urgjente, ku në fokus ka qenë tragjedia e ndodhur në spitalin Covid të Tetovës.

Mediat vendase bëjnë me dije se qeveria ka marrë vendimin për të shpallur tre ditë zie kombëtare, në nder të viktimave që humbën jetën nga shpërthimi në spital. Deri tani janë konfirmuar 14 viktima dhe 12 të tjerë janë lënduar.

Më herët edhe Komuna e Tetovës pas mbledhjes së Shtabit të krizës, njoftoi shpalljen e 3 ditë zie në Tetovë./tvklan.al

Gazeta Metro – Tragjedia në Tetovë, gazetari: Në gusht spitalit iu dëmtuan  tubat e oksigjenit

Derniers articles

Në Kosovën e lirë, pas luftës u vranë mbi 30 femra. Shifer kjo e madhe, sikur « burrat » i kanë shpallur luftë grave shqiptare?!

Prishtinë, 1 dhjetor -Mbrem ne kyreqytetin kosovar ne Prishtine ka ndodhur nje vrasje makabre, ku burri vret gruan shtatëzënë, nje dite para lindjes. Kjo...

Masat për të marrë pasaportën / Zvicra e shtrëngon, Gjermania i shliron…

Pasaporta e Zvicres  është më elitare e Evropës - dhe askush nuk dëshiron ta ndryshojë atë! Për të marrë një pasaportë zvicerane, pengesat janë jashtëzakonisht...

FIFA publikon emrin e arbitrit qe do ta udheheq ndeshjen mes Serbisë dhe Zvicrës

Cyrih, 30 nentor -FIFA sot ka bërë të ditur emrin e arbitrit për ndeshjen e së premtes mes Zvicres dhe Serbisë në orën 20:00...

Sot kemi bërë një hap të duhur për qyterarët e Kosovës drejt udhëtimit pa viza. Presim që PE ta zbatojë

Skruan: Jan Lipavský, Ministër çek i Punëve të Jashtme Ambasadorët e vendeve anëtare të BE-së ranë dakord sot për mandatin negociator të Këshillit për rregulloren për...

Gazetari ndërkombëtar Nefail Maliqi jep lajmin e parë nga Brukseli për ngjyrën jeshile te BE-së për liberalizimin e vizave për qytetaret e Kosovës

Bruksell, 30 Nëtnor -Ambasadorët e Shteteve Anëtare të Bashkimit Evropian këtë të mërkurë kanë rënë dakord për mandatin negociues të Këshillit për rregullacionin për...