Kampioni i karatesë në Lojërat Europiane, Alvin Karaqi, është nderuar sot (31 tetor) nga qeveria shqiptare me medaljen “Ylli i Mirënjohjes Publike”.
Teksa mori fjalën pas marrjes së medaljes, kampioni i karatesë s’ka mundur t’i mbajë lotët, ndërsa tha se ditën kur i ofruan mbajtjen e flamurit kuqezi në ceremoninë hapëse të Kampionatit Evropian, u ndje si Gjergj Kastrioti.
Mes lotësh ai ka falënderuar familjen e të gjithë ata që kanë kontribuuar në rrugëtimin e tij.
Alvin Karaqi nga Kosova që përfaqëson Shqipërinë: « Faleminderit të gjithëve, grupit, trajnerit, ju prindër
Të gjithë jeni arsyeja që unë kam fituar. Dita kur mora flamurin për të përfaqësuar Shqipërinë në ceremoninë e hapjes, aty ishte medalje ime.
Për besë u ndjeva si Gjergj Kastrioti. Falenderoj ekipin olimpik dhe presidentin.
Nëse kjo medalje do ishte picë do e kishim ndarë bashkë. Faleminderit për mbështetjen morale dhe jo vetëm. Uroj të gjithë sportistët ta përjetojnë këtë ndjenjë që ndejë unë tani ».