Këshilltari Shtetëror Mauro Poggia dhe Komandantja e Policisë së Gjenevës Monica Bonfant
Gjenevë, 27 mars (Nefail Maliqi) -Statistikat e policisë tregojnë një rritje prej 15% të shkeljeve. Por pasiguria nuk arrin në vitet para pandemisë. Statistikat e krimit në rritje, por vlera që nuk arrijnë ato të viteve para pandemisë. Të hënën në mëngjes, policia e Gjenevës bëri prezantimin e saj vjetor të shifrave të krimit. Gjate nje konfrence me përfaqesues te mediave sikur Këshilltari Shtetëror Mauro Poggia ashtu edhe Komandanti i Policisë së Gjenevës Monica Bonfant thane se Siguria në Gjenevën nderkombëtare nuk eshte ekenaqeshme, njofton gazeta zvicerane ne shqip Le Canton27.ch
Konkluzionet kryesore për vitin 2022? Pas qetësisë së vërejtur gjatë viteve financiare 2020 dhe 2021, shifrat për krimet e kryera në Gjenevë janë në prirje rritëse. Në përgjithësi, shkeljet e Kodit Penal janë rritur me 15% krahasuar me një vit më parë.
Pas disa vitesh qetësie, vjedhjet (+14%) janë pra sërish në rritje, siç janë vjedhjet në rrugë publike dhe vjedhjet në dyqane. Sa i përket shifrave për vjedhjet e makinave dhe biçikletave elektrike – “objekt shumë i njohur”, vëren komandantja e policisë, Monica Bonfanti, ato ndjekin trendin rritës.
Në një shënim më shqetësues, pavarësisht një vrasjeje të vetme në vitin 2022, veprat e rënda të dhunshme (kategoria statistikore përfshin të gjitha vrasjet si dhe dëmtimet e rënda trupore, grabitjet me dëmtime të rënda të viktimës, pengmarrjen dhe përdhunimin) janë rritur me 8%. Për sa i përket veprave penale kundër integritetit seksual, rritja arriti në 19% në vitin 2022 në Gjenevë. Për shembull, në vitin 2011 janë regjistruar afro 73,000 vepra të Kodit Penal, krahasuar me 44,000 vitin e kaluar.
Ndër kategoritë që zënë një vend të rëndësishëm në statistikat e sigurisë, krimi kibernetik ra çuditërisht në Gjenevë në vitin 2022. Ndërsa krimet që përdorin internetin janë në rritje kudo në Zvicër (të hënën të gjitha kantonet paraqitën shifrat e tyre njëkohësisht), këtë rënie në 17% kanë një shpjegim.
“Këto shifra (shënim: rënia e krimit kibernetik) duhen marrë me një kokërr kripë. Për arsye reputacioni apo turpi, jo të gjithë vijnë për të denoncuar në polici… » ka thëne lolonel Monica Bonfanti, komandant i policisë së Gjenevës.
Për pjesën tjetër, mashtrimet në internet janë plot kreativitet, midis reklamave të klasifikuara mashtruese dhe mbështetjes teknike të rreme. Një shenjë se fenomeni nuk po bëhet i rrallë: në vitin 2022, dëmi total i regjistruar arrin në 34 milionë. Nuk i kalonte 12 milionë një vit më parë. Në këtë fushë, « këto shifra duhen marrë me një kokërr kripë », ka nenvizuar Monica Bonfanti. Për arsye reputacioni apo turpi, jo të gjithë vijnë për të denoncuar në polici.