10.3 C
Berne
jeudi 25/04/2024

Shtypi francez: Futbollistët serbë të lumtur që luajnë në Shqipëri, por jo edhe në Kosovë / Shqiptaret shpejtë i harruan karrigat mbi koke në Beograd

Mesfushori serb i Kukësit Luka Milunovic me puthje e perqafime  me bashkëlojtarët shqiptare ne Tiranë (5 janar 2022) gjatë një seance stërvitore në Mullet

Paris, 8 shkurt –Serbet krenohet që ka shumë miq shqiptarë dhe tallen me paragjykimet etnike.. Sipas Superligës në Beograd, aktualisht asnjë futbollist shqiptar nuk luan në Serbi. Marrëdhëniet midis Tiranës dhe Beogradit janë helmuar nga çështja e Kosovës, shkruan gazeta zvicerane Le Canton27.ch duke ju referuar mediave franceze.

Shqipëria dhe Serbia kanë një marrëdhënie të komplikuar, por futbollistët serbë që luajnë në klubet shqiptare nuk u interesojnë: sporti kapërcen gjithçka, duke përfshirë ndarjet etnike dhe politike.

Sipas Superligës në Beograd, aktualisht asnjë futbollist shqiptar nuk luan në Serbi

« Futbolli është një mjet i mrekullueshëm për të mësuar të jetoni së bashku, » thotë Luka Milanovic, 29 vjeç, i cili është një nga rreth pesëmbëdhjetë futbollistët serbë që godet topin në Shqipëri.

Marrëdhëniet midis Tiranës dhe Beogradit janë helmuar nga çështja e Kosovës, ish-krahinës serbe, pavarësinë e së cilës Beogradi nuk e njohu kurrë, të shpallur në vitin 2008, një dekadë pas një konflikti vdekjeprurës.

Mosbesimi mes Kosovës me shumicë shqiptare muslimane dhe Serbisë sllave e ortodokse është shumë larg shqetësimeve të Luka Milanoviç, i cili thotë se në Shqipëri priti « një mirëseardhje shumë të ngrohtë ».

Ai ka katër muaj që luan në divizionin e parë në ekipin e Kukësit, një rajon malor në kufi me Kosovën, i cili kishte pritur më shumë se 500 mijë shqiptarë kosovarë të arratisur nga dhuna serbe gjatë luftës, raporton France24.fr, transmeton gazeta zvicerane Le Canton27.ch

Për të është vazhdimi i natyrshëm i karrierës pas Yllit të Kuq dhe OFK-së Beograd, Belgjikë, Malajzi, Greqi dhe Hungari.

“Jam këtu për dashurinë e futbollit”, shpjegon Milanovic për AFP teksa stërvitej me bashkëlojtarët e tij shqiptarë, por edhe kosovarë, malazezë, kroatë, nga po aq vende që nuk kanë mbaruar së larë hesapet e shpërbërjes së përgjakshme të ish-Jugosllavisë.

Sipas Superligës në Beograd, aktualisht asnjë futbollist shqiptar nuk luan në Serbi

“Për lojtarët dhe tifozët, Luka është njëri prej nesh”, konfirmon Erjon Allaraj, zëdhënës i klubit.

“Ne flasim gjuhë të ndryshme por të gjithë e dimë gjuhën e futbollit”, shtoi kapiteni i Kukësit Gjelberim Taipi, shqiptar nga Bujanoci i Serbisë.

I gjithë ekipi festoi së bashku lindjen e fëmijës së parë të Lukës në dhjetor. Foshnja dhe gruaja e tij aktualisht jetojnë në Beograd, por Milanovic shpreson se familja e tij do t’i bashkohet së shpejti.

Në anën tjetër të vendit, pranë brigjeve të Adriatikut, Aleksandar Ignjatovic, 33 vjeç, është kapiteni i ekipit të ligës së parë të KF Laçit, ku fërkohen edhe disa nacionalitete ballkanike.

Ndersa « l’Expersse » e Fracnes ka shrtkuar se « Futbollisti që ka luajtur në Serbi, Holandë dhe Hungari kujton tronditjen dhe shqetësimin e miqve të tij kur mësuan për largimin e tij në Shqipëri: « Çfarë do të bësh atje – Poshtë! Pse të shkosh në këtë vend?.. »

“Tani kur shikojnë në Instagram jetën time në Shqipëri, shumë më thonë se duan të vijnë të më vizitojnë”.

Ai dëshiron të përdorë përvojën e tij bikulturore për rikualifikimin e tij pas futbollit. « Po mendoj të hap një agjenci turistike që do të më lejojë të punoj në Shqipëri dhe Serbi. Tani i njoh të gjitha vendet e bukura në Shqipëri, » thotë ai, duke shpjeguar se turizmi serb po rritet në vendin pritës.

« Futbolli ndihmon në forcimin e lidhjeve. Futbolli dhe politika janë dy botë krejtësisht të ndryshme », thotë kapiteni, i cili prej tre vitesh jeton në Tiranë me gruan dhe vajzën tre muajshe.

Vladimir Novakovic, specialist i futbollit në kanalin serb Sportklub, thekson në mënyrë më prozaike se Serbia eksporton shumë lojtarë profesionistë të cilët « duhet të sigurohen që të gjejnë një klub pasi jetojnë nga ky sport ».

Por kjo botë nuk është gjithmonë e kursyer nga idetë ultranacionaliste asnjëherë larg sipërfaqes në Ballkan.

Në vitin 2018, gjatë ndeshjes Zvicër-Serbi në Kupën e Botës, lojtarët zviceranë me origjinë kosovare Xherdan Shaqiri dhe Granit Xhaka skandalizuan duke festuar golat e tyre me një shenjë që të kujton shqiponjën dykrenare të flamurit shqiptar.

Në Beograd në vitin 2014, incidente të dhunshme shpërthyen gjatë ndeshjes kualifikuese të Euro-2016 ndërmjet Serbisë dhe Shqipërisë, kur një dron fluturoi mbi stadium duke tërhequr zvarrë një flamur që mbante hartën e « Shqipërisë së Madhe ».

Beogradi akuzon rregullisht Tiranën dhe Prishtinën se synimi përfundimtar është bashkimi i komuniteteve shqiptare të Ballkanit në të njëjtin shtet.

Në të kundërt, në stadiumet serbe, nuk është e pazakontë të dëgjosh ultras që mbrojnë « Serbinë e Madhe », një koncept i dashur për Slobodan Millosheviçin që çoi në masakrat dhe spastrimin etnik të viteve 1990.

Në kryeqytetin serb, Borisav Stojacic, 82 vjeç, është nostalgjik për « epokën jugosllave kur prania e lojtarëve shqiptarë në Serbi nuk ishte asgjë e jashtëzakonshme. Kështu duhet të ishte. Përqendrimi te kombësia është një problem që u shfaq vetëm disa dekada më parë ». i vjen keq.

Shqiptaret shpejte i harruan akrrigat mbi koke ne Beograd (Euro 2016 Beograd)

 

Derniers articles

3 thousand Albanians live in the Arab Emirates / Investigation: Dubai, the place of contradictions, « houses » VIP businessmen, but also over 500 Albanian escorts

Bern, 22 avril -Dubai is the most popular city of the United Arab Emirates, located in the southeast of the Persian Gulf. But how...

Zvicër, një ushtari vdes nga një plumb në kokë

Bernë, 25 prill -Një ushtar vdiq pasi u godit aksidentalisht me armë zjarri të martën në mëngjes rreth orës 9 të mëngjesit gjatë një...

Takimi në selinë e OKB/ Guterres i përsërit kërkesën Vuçiçit: Dorëzo terroristët e Banjskës!

Berne, 24 prill -Sekretari i Përgjithshëm i OKB-së Antonio Guterres u takua sot me presidentin e Serbisë, Aleksandar Vuçiç , në New York. Ata diskutuan...

Maqedonia e Veriut, sot mban zgjedhjet presidenciale

Të drejtë vote në zgjedhjet presidenciale që mbahen sot kanë gjithsej 1.814.317 votues. Deri në orën 15:00, Komisioni Shtetëror i Zgjedhjeve në Maqedoni të...

Shefja e Policise Federale (FEDPOL) Nicoletta della Valle jep dorëheqjen

Drejtoresha e Policise Federale te Zvicres në biesde me redaktorin e gazetes zvicerane ne shqip Le Canton27.ch Nefail Maliqi Bernë, 24 prill -Drejtoresha e Fedpol,...