Vlore, qershor (Elona MERKO)-Zvicra vlerëson integrimin e komunitetit shqiptar prej dekadash, duke mbështetur dhe mbajtjen e kulturës dhe traditës prej 3 gjeneratash tashmë. Përsëri një shembull i mirë më së fundmi është dhe prezantimi me sukses i grupit HAREJA-Gjenevë në « Aulona Inter Folk Festival-2022 » në Vlorë. Shqiptaret e Zvicres kah shkojne nuk e harrojne flamurin zviceran ta marrin me vete, sikur ne ket festivalin muzikor te ballkanit në Vlorë!, raporton nga Vlora gazeta zvicerane Le Canton27.ch
Me tinguj hareje, flamuri shqipëtar e zviceran valon ne Vlorë në « Aulona Inter folk Festival » 2022
Ky grup i Gjenevës nga Zvicra ishte pjesmarrësi i parë nga diaspora mbarë shqipëtare kudo. Siç theksoi dhe vetë drejtori i Festivalit:-le të jetë ky grup, një ogur i mirë për pjesmarrje të tjera nga diaspora shqipëtare kudo. Mes valëvitjeve të flamurit shqipëtar dhe flamujve të kombësive të ndryshme, valëvitej dhe flamuri Zviceran .
Drejtori festivalit Z. Sejmen Gjokoli renditi në 3 netët e festivalit dhe grupin HAREJA bashkë me shumë grupe cilësore nga Shqipëria, Kosova, Trevat shqipëtare, Mali i zi, grupi i minoritetit grek, Bullgaria, Moldavia, Rumania etj, raporton gazeta zvicerane Le Canton27.ch
Skena ishte një podium paqeje me ritme, këngë e valle, kulturash e traditash të ndryshme dhe me duartrokitje të shumta për të gjithë. Grupi HAREJA drejtuar nga Aferdita Krasniqi u prezantua me këngë nga veriu, jugu dhe çamëria. Në këtë grup shqipëtarësh me vendlindje të ndryshme të Kosovës, Shqipërisë, Maqedonisë së veriut, kënga traditës, kënga qytetare shqipëtare dhe vallja, i bën bashkë dhe çdo javë provash, dëgjohen zëra,melodi e ritme shqipëtare në Gjenevën internacionale, që respekton origjina e tradita përpos integrimit.
Vlora historike në 14 vjet të këtij festivali përmbledh dhe shpërndan histori tradite e kulture të shumë shteteve, me dashuri dhe respekt të ndërsjelltë. Ministria e kulturës por dhe RTSH kombëtare, i jep për 3 netë rradhazi mbështetje dhe vlerësim Festivalit « Aulona » Vlorë , si buqetë kulturash dhe rëndësinë e jetëgjatësisë të historive kulturore, për gjithë shtetet që marrin pjesë. Grupi HAREJA me koralin , solistët Bardh Ramadani, Afërdita Krasniqi Shpejtim Krasniqi bënë të këndojë malli, hareja shqipëtare e diasporës në Zvicër me flamujt Shqipëtar e Zviceran përpara pamjeve të mrekullueshme në ekranin e skenës dhe publikut multikombësish që shoqëronin me duartrokitje si për çdo grup shqipëtar dhe të huaj pjesmarrës cilësorë. Vlora dhe përfaqësues insitucionalë të Kulturës dhe Turizmit ,falë « Aulona Inter Folk Festival » edhe në edicionin e 14 të tij, gëzuan 3 netë festivali me shumë ngjyra kostumesh, ritmesh, melodish historike, shpirtërore të trashëguara ndër shekuj.