11.6 C
Berne
jeudi 29/02/2024

Shqiptaret e Medvegjes mes kulles dhe çekanit

Shkruan: Muharrem Salihu

Medvegjë, 2 prill – Të dielën, më 3 prill, në Serbi mbahen zgjedhjet e jashtëzakonshme parlamentare, të rregullta presidenciale dhe të rregullta lokale për Qytetin e Beogradit dhe 12 vetqeverisje lokale.

Në zgjedhjet parlamentare, sipas sistemit proporcional, për Kuvendin popullor të Republikës së Serbisë zgjedhen 250 deputetë. Të drejtë vote kanë 6.501.689 votues të regjistruar në 8.255 vendvotime.

Partitë shqiptare të Luginës së Preshevës, ndryshe nga zgjedhjet e vitit 2020 kur ishin bërë bashkë në një listë për të marr pjesë në zgjedhjet parlamentare të Serbisë, kësaj radhe janë ndarë në dy koalicione.

Në zgjedhjet që pritet të mbahen të dielën e 3 prillit, po garojnë “Koalicioni i shqiptarëve të luginës” që udhëhiqet nga Shaip Kamberi i cili deri tani ka mbajtur postin e deputetit dhe “Alternativa Demokratike shqiptare” që udhëhiqet nga Shqiprim Arifi, ish kryetar i komunës së Preshevës.

Dy koalicionet e partive shqiptare po marrin pjesë të ndarë në zgjedhje me nga 10 kandidatë dhe synojnë votat e rreth 70 mijë shqiptarëve me të drejtë vote në Luginën e Preshevës.

Me këtë rast, Muharrem Salihu, afarist dhe aktivist i çështjes kombëtare nga Medvegja, përmes Gazetës FAKTI, ka apeluar që shqiptarët që kanë të drejtë vote, të dalin dhe të votojnë sipas gjykimeve që ata mund t’i kenë. Janë dy lista dhe kanë mundësi me zgjedhë. Por, në anën tjetër, thotë Salihu, shqiptarët e Medevegjës në vend se të ndjejnë solidarizimin e dy komunave simotra – Presheva e Bujanoci, pse jo edhe të Tiranës e Prishtinës, për të mos marrë pjesë në këto zgjedhje, atyre u është imponuar pjesëmarrja në zgjedhje, sepse me vet faktin se dikush për të marrë pjesë në Parlamentin e Serbisë, nuk po i përfill interesat e një pjese të madhe të shqiptarëve në Serbinë e jugut. Pra ata, sipas Salihut, apelojnë që të marin pjesë në këto zgjedhje dhe detyrimisht e nxjerrin para aktit të kryer Medvegjën që të mos ndahet nga pjesa tjetër e popullatës. Në një far mënyre, Medvegja po ndodhet në mes të kullës dhe çekanit dhe siç po shihet nuk ka alternativa në këto rrethana, nënvizon Salihu.

“Përfaqësuesit tanë vazhdojnë ditë e natë të brohorasin kundër Serbisë, por në anën tjetër punojnë për Serbinë. Ky është realiteti dhe Serbia në njëfarë forme po i ndihmon ata, duke i akuzuar formalisht nëpër media, duke i bërë heronj për ne, pra po na i imponion heronjtë tanë, që ne të mos kemi alternativë për të mos i identifikuar apo as për ti diskutuar, sepse ata tash më janë heronjtë tanë, ndërkohë që të njejtit nuk po i përçojnë interesat e shqiptarëve, por të Serbisë, qoftë në zgjedhjet e parafundit kur i shëryben si dekor për opozitë, dhe pastaj gjatë gjithë mandatit brohiritën gjëra nga më të ndryshme irelevante, por jo ato për çfarë ishin zgjedhur, qoftë tani kur thonë që nuk do ta votojnë Vuçiqin për President, por ndërkohë do të marrin pjesë në zgjedhjet. Sikur gjithë shqiptarët të mos bëheshin pjesë e këtyre zgjedhjeve, faktori ndërkombëtar do të përqëndrohej te ne dhe do të kuptonte nga afër se çka po ndodhë. Në këtë mënyrë do të tërhiqej vëmendja e ndërkombëtarëve për punën e pasivizimit të adresave. Fatkeqësisht, me pjesëmarrje në zgjedhje, këta po duan haptazi të kalojnë mbi këto çështje, sepse në këtë mënyrë po mbrohet interesi i shtetit, e jo i neve që jetojmë aty dhe fatkeqësisht ata këtë interes po përfaqësojnë. Por gjithsesi, e përsëris, shqiptarët në Medvegjë duhet të marrin pjesë në këto zgjedhje të imponuara, sikurse ato të parafundit, dhe të votojnë për listat që ata i preferojnë”, apelon Muharrem Salihu.

Derniers articles

Nevzad Lutfiu, kryetari i KKSH-së: Nderkombëtaret po mbyllin syte përballë diskriminimit serbë, bashkë me pasivizimim e mijëra adresave të shqiptareve në Luginën e Preshevës?!

Bujanoc, 29 shkurt (Lirigzona Nuredini) -Tri komunat me shumicë shqiptare në jug të Serbisë po vazhdojnë të përballen me pasivizimin e adresave. Pavarësisht përpjekjeve...

Botime te reja ne botë: Në Paris doli libri me poezi nga autorët e njohur shqiptarë nga ballkani

"La poésie contemporaine albanaise" (Poezia bashkëkohore shqipe) quhet libri i posabotuar sot ne kreyqytetin e kultures evropiane ne Paris nga autoret: Reshat Sahitaj,  Adem...

Mediat e Ukrainës: Zelenskyi u takua në Shqipëri me « kryeministrin » prorus të Serbisë. Vuçiç në Tirane perballe Ramës: Falemnderit Kiew qe nuk e njihni...

Vucic ne Tirane Zelensdkyt: vlerësoi gjithashtu Kievin si një nga kryeqytetet e pakta që nuk e njeh pavarësinë e Kosovës Zelenskyi u takua në Shqipëri...

Shqiperi, nis projekti i ri për menaxhimin e zjarreve me mbështetje nga qeveria zvicerane

Ministrja e Turizmit dhe Mjedisit Mirela Kumbaro nënshkroi sot Memorandumin e Bashkëpunimit për menaxhimin e zjarreve me Ambasadoren e Zvicrës Ruth Huber Tiranë, 28 shkurt...

Një familje shqiptare në Zvicer ankohen se humbën fëmijet e tyre në « mungesë të perkthyesit në spital… »

Bernë, 28 shkurt - Lajmi që Franziska Neziri (57) duhej t'i jepte çiftit në spital ishte më i keqi që mund t'u jepni prindërve:...