20.3 C
Berne
mardi 28/05/2024

Shqipëria 20 mije tekste shkollore për nxënësit në Luginën e Preshevës

Ministri i Punëve të Jashtme i Shqipërisë, Gent Cakaj ka njoftuar se Këshilli Kombëtar Shqiptar ka filluar shpërndarjen falas të teksteve shkollore për nxënësit shqiptarë në Luginën e Preshevës.

Tirasna zyrtare  ka njftuar se në Luginën e Preshevës do të shpërndahen rreth 20 mijë libra dhe do të përfitojnë 4 mijë nxënës shqiptarë.

Po ashtu, Ministrja e Arsimit, Sportit dhe Rinisë në Shqipëri, Besa Shahini është shprehur e kënaqur që Këshilli Kombëtar Shqiptar në Serbi ka nisur shpërndarjen e librave shqip falas të ardhur nga Shqipëria për rreth 4 mijë nxënësit e Preshevës, Bujanocit dhe Medvegjës.

« Sot janë pajisur me tekste mësimore falas edhe nxënësit e shkollës fillore ,, Muharrem Kadriu” Tërrnoc dhe “Naim Frashëri” në Bujanoc. Pas shpërndarjes së teksteve mësimore dje, për nxënësit e shkollës fillore “Avdulla Krashnica” Miratoc, “Migjeni” në Caravajk, “Selami Hallaçi” Rahovicë, “Zenel Hajdini” Raincë… » ka thene kryetari i KKSH-së Ragmi Mustafa, njofton gazeta zvicerane ne gjuhen shqipe « LeCanton27.ch »
Arritja e standardeve të cilësisë në arsim është synim i përbashkët. Këto komplete të teksteve nga Shqipëria janë më të avancuarat në rajon që do të mundësojnë e lehtësojnë procesin edukativo-arsimor.
Gëzimi dhe kënaqësia e fëmijëve është shpresëdhënëse për të qenë konkurrent e të barabartë me të gjithë të tjerët në rajon.
Vazhdojmë me nxënësit e shkollave tjera…

“Jam e lumtur teksa Këshilli Kombëtar Shqiptar në Serbi ka nisur shpërndarjen e librave shqip #falas nga #Shqipëria për rreth 4 mijë nxënësit e Preshevës, Bujanocit dhe Medvegjës, një kontribut ky i rëndësishëm i qeverisë shqiptare nëpërmjet përpjekjeve të vazhdueshme të Ministrisë së Arsimit, Sportit dhe Rinisë. Kjo ditë e shumëpritur për të gjithë, le të jetë një ogur i mirë i punëve të dobishme që çojnë në rritjen e arsimit cilësor në gjuhën shqipe”, ka thënë Shahini.

Derniers articles