6.9 C
Berne
jeudi 2/02/2023

Shefi i NATO-s kritikon Rusinë ndaj dëbimit të diplomatëve

Sekretari i përgjithshëm i NATO-s, Jens Stoltenberg

Sekretari i përgjithshëm i NATO-s, Jens Stoltenberg, tha se i vjen keq për vendimin e Rusisë që të ndalojë punën e zyrës së aleancës në Moskë.

Duke folur në një konferencë për media në Bruksel, Stoltenberg tha se kjo masë nuk shërben për të promovuar dialogun ose mirëkuptimin reciprok.

Sidoqoftë, NATO do të mbetet e hapur për dialog, drejtpërdrejt ose përmes Këshillit NATO-Rusi, tha Stoltenberg.

Komentet vijnë pasi Moska tha se do të pezullojë punën e misionit të saj në selinë e NATO-s në Bruksel, nisur nga fillimi i nëntorit. Përveç kësaj, edhe misioni ushtarak i NATO-s në Moskë nuk do të lejohet të vazhdojë punën e tij.

Ky reagim i Moskës erdhi pasi NATO-ja tha se u ka tërhequr akreditimin tetë diplomatëve rusë në Bruksel, nën pretendimet se ata kanë qenë “oficerë të padeklaruar të inteligjencës”.

NATO po ashtu tha se delegacioni i Moskës në aleancë do të përgjysmohet nga 20 veta në 10.

Stoltenberg tha të mërkurën se vendimi i NATO-s për të tërhequr akreditimet është bazuar në gjetjet e inteligjencës dhe shtoi se diplomatët në fjalë ishin operativë të inteligjencës ruse.

“Aleatët kanë shprehur shqetësim të madh për këto lloje të aktiviteteve malinje që kemi parë gjatë viteve të fundit”, tha Stoltenberg.

Si shembuj, Stoltenberg përmendi përpjekjen e dështuar për grushtshtet në Mal të Zi në vitin 2016, sulmin me agjent nervor në qytetin Sallsbëri të Anglisë në vitin 2018 dhe përpjekjen për piraterim të Organizatës për Ndalimin e Armëve Kimike në po të njëjtin vit.

Derniers articles

Interpol, arrestohet ne France një vrasës i dënuar i lidhur me ‘Ndrangheta’

Lion (Interpol) 2, shkrut -Një vrasës i dënuar i lidhur me ‘Ndrangheta’ është arrestuar në Francë me mbështetjen e fortë të Projektit të Bashkëpunimit...

Reagim ndaj Ahmet Qeriqit (Kosova e Lire) per censurë të pashembullt lidhur me simbolin e gjenocidit

"Fillimisht ju falënderoj për hapësirën që na keni dhënë për të sqaruar çdo gjë që lidhet me nismën që lulëkuqja të bëhet simbol i...

Kjo është diferenca e pagës së udhëheqësve të sotëm me pagën e atyre që ishin dikur

Analisti Xhevdet Pozhari ka bërë një karasim të pagave që dikur kishin udhëheqësit e Kosovsë, dhe tani këta aktual. Ai thotë se Ramush Haradinaj prin me...

Abrashi, Shabani e Demhasaj me Grasshoppersin eliminohen nga Baseli i Zeqirit

Baseli është kualifikuar në çerekfinale të Kupës së Zvicrës në futboll. Grasshoppersi si vendas ka pësuar humbje me rezultat 5:3 nga Baseli. Përballja e Kupës mes...

FBI nuk gjen dokumente të klasifikuara nga kontrolli në një nga shtëpitë e presidentit Biden

FBI-ja nuk gjeti dokumenta të klasifikuara gjatë një kontrolli të urdhëruar nga Departamenti amerikan i Drejtësisë në një nga shtëpitë e Presidentit Joe Biden,...