22.1 C
Berne
samedi 25/06/2022

SHBA paralajmëron “përgjigje” ndaj testit bërthamor të Koresë së Veriut

Bernë, 14 qershor -Sekretari amerikan i Shtetit, Antony Blinken, tha të hënën, se Shtetet e Bashkuara të Amerikës dhe aleatët e saj do të përgjigjeshin me shpejtësi nëse Koreja e Veriut vazhdon me një provë bërthamore, por insiston se dialogu mbetet ende opsion.

“Ne jemi në kontakt shumë të ngushtë me aleatët dhe partnerët tanë, duke filluar me Republikën e Koresë – gjithashtu me Japoninë dhe të tjerët – për të qenë në gjendje të përgjigjemi shpejt nëse koreano-veriorët vazhdojnë me një provë të tillë”, u tha Blinken gazetarëve.

“Ne jemi të përgatitur të bëjmë rregullime afatshkurtra dhe afatgjata në pozicionin tonë ushtarak, varësisht nga rasti,” shtoi ai.

Blinken përsëriti se Shtetet e Bashkuara nuk kanë “asnjë qëllim armiqësor ndaj DPRK”, emri zyrtar i Veriut, Republika Demokratike Popullore e Koresë.

“Kështu që ne do të vazhdojmë të kontaktojmë me DPRK-në. Ne jemi të përkushtuar në qasje diplomatike,” tha Blinken.

Diplomati i lartë amerikan u deklarua pas bisedimeve që pati në Uashington me homologun e tij nga Koreja e Jugut, e njohur zyrtarisht si Republika e Koresë, i cili njësoj si Blinken tha se qeveria e tij ishte gati të negocionte me Phenianin “pa parakushte”.

“Unë mendoj se Koreja e Veriut ka përfunduar tani përgatitjet për një tjetër provë bërthamore dhe mendoj se duhet marrë vetëm një vendim politik,” tha minisri i Jashtëm i Koresë së Jugut, Park Jin.

“Nëse Koreja e Veriut ndërmerr një tjetër provë bërthamore, mendoj se kjo vetëm do të forcojë parandalimin tonë dhe gjithashtu sanksionet ndërkombëtare,” tha ai.

Shtetet e Bashkuara u përpoqën të ashpërsojnë sanksionet ndaj Koresë së Veriut pas testimeve të një rakete balistike në kundërshtim me rezolutat e OKB-së, por Kina dhe Rusia vendosën veto në Këshillin e Sigurimit.

Koreja e Veriut ka kryer të paktën 18 runde të testeve të armëve gjatë këtij viti, duke shfaqur zhvillimin e arsenalit të raketave bërthamore.

Në testimin e fundit, Koreja e Veriut lëshoi tetë raketa balistike me rreze të mesme veprimi, një ditë pasi Koreja e Jugut dhe Shtetet e Bashkuara përfunduan stërvitjet e përbashkëta ushtarake./REL

Derniers articles

Lazim Destani takon ish-shefin e NATO-s Lordi George Robertson. Biseduan per Kosoven 23 vjet pas bombardimeve dhe shqiptaret ne Ballkan

I ftuar nga Rrjeti i Lidershipit Europian në Londër, ne Konferencën që po mbahet në ambientet e Parlamentit Britanik, pjesëmarrjes ishte edhe biznesmeni i...

Nga fjalimi i ministrit te  Shendetesise se Maqedonise Veriore z.Bekim Sali ne punimet e Asamblesë së 75-të se WHO

Gjeneve, UN 22 maj –Ne seline e Organizates Botere te Sendetesise ne Gjeneve po zhvillohen punimet gjashteditore (22–28 maj) e Asamblesë së 75-të se...

Nga punimet e Kongresit te XIV-të Europian te AMFE ne Shkup. Ministri i shendetesise Sali dhe presidentja Dollenberg: Te vazhdoje kjo tradite bashkepunimi me...

hkup, 23 qershor -Sot ne Skup u mbajtë me sukxsese Kongresi i XIV-të Europian nga Federata Mjekët Shqiptarë Europë , me udhëheqjen e shkëlqyer...

Psikologja ne Gjermani Shkendije Berisha-Pacolli: Pasojat e luftes ne Kosove edhe sot ndihen ne diaspore. Keta njerez me trauma kane nevoje per ne, dhe...

Shkendije Berishen-Pacolli Këshilltare e Psikologjise në ne Wirges te Gjermanise Shkendije Berishen-Pacolli nuk eshte emer i panjohur sidomos ne mjedisin ku jeton dhe veperon, ne...

Pacolli: Unë sfidoj këdo, sepse e verteta eshte ne anen time!

Shkruan: Behgjet PACOLLI «Nuk ka askush, as minister, ads kryeminister i ndonje qeverie e kushdo qofte ai, te cilit i kam keekuar ndonje favor, ku...