6.9 C
Berne
jeudi 2/02/2023

Rusia nis valën e dytë të sulmeve me raketa në Ukrainë

Rusia ka nisur të shtunën dy valë sulmesh me raketa në Ukrainë, duke detyruar njerëzit të kërkojnë streha të ndryshme, pas lëshimit të sirenave.

Për sulme në infrastrukturën kritike në Kiev dhe qytetin lindor të Harkivit është raportuar në mëngjesin e 14 janarit, dhe më vonë në orët e pasdites.

Autoritetet në Mikollaiv, Lviv dhe portin e Odesas kanë thënë se mbrojtja ajrore është duke tentuar të rrëzojë raketat.

Për shpërthime është raportuar edhe në rajonin Vinitsja.

Moska, e cila ka nisur pushtimin e Ukrainës në shkurt të vitit të kaluar, ka kohë që shënjestron me raketa dhe dronë infrastrukturën ukrainase të energjisë, duke rezultuar me probleme të energjisë dhe ngrohjes në shumë rajone të shtetit.

Ende nuk dihet shkalla e dëmeve nga vala e dytë e sulmeve brenda një dite.

Më herët gjatë ditës, kryeministri britanik, Rishi Sunak, ka thënë se Mbretëria e Bashkuar do të dërgojë tanke në Ukrainë, për t’iu ndihmuar forcave ukrainase që të “zmbrapsin forcat ruse”.

Sunak e ka bërë këtë zotim duke përmendur tanket Challenger 2 dhe sisteme shtesë të artilerisë.

Sipas tij, kjo është shenjë e “ambicieve të Mbretërisë së Bashkuar për të rritur mbështetjen për Ukrainën”.

Lufta në Ukrainë ka nisur më 24 shkurt të vitit 2022.

Presidenti rus, Vladimir Putin e quan luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./REL

Derniers articles

Interpol, arrestohet ne France një vrasës i dënuar i lidhur me ‘Ndrangheta’

Lion (Interpol) 2, shkrut -Një vrasës i dënuar i lidhur me ‘Ndrangheta’ është arrestuar në Francë me mbështetjen e fortë të Projektit të Bashkëpunimit...

Reagim ndaj Ahmet Qeriqit (Kosova e Lire) per censurë të pashembullt lidhur me simbolin e gjenocidit

"Fillimisht ju falënderoj për hapësirën që na keni dhënë për të sqaruar çdo gjë që lidhet me nismën që lulëkuqja të bëhet simbol i...

Kjo është diferenca e pagës së udhëheqësve të sotëm me pagën e atyre që ishin dikur

Analisti Xhevdet Pozhari ka bërë një karasim të pagave që dikur kishin udhëheqësit e Kosovsë, dhe tani këta aktual. Ai thotë se Ramush Haradinaj prin me...

Abrashi, Shabani e Demhasaj me Grasshoppersin eliminohen nga Baseli i Zeqirit

Baseli është kualifikuar në çerekfinale të Kupës së Zvicrës në futboll. Grasshoppersi si vendas ka pësuar humbje me rezultat 5:3 nga Baseli. Përballja e Kupës mes...

FBI nuk gjen dokumente të klasifikuara nga kontrolli në një nga shtëpitë e presidentit Biden

FBI-ja nuk gjeti dokumenta të klasifikuara gjatë një kontrolli të urdhëruar nga Departamenti amerikan i Drejtësisë në një nga shtëpitë e Presidentit Joe Biden,...