Redaktori i gazetes zvicerane ne shqip Le Canton27.ch pas konferences ne « Budesrat » në Bernë
Bernë, 27 dhjetor -Përkundër kërkesës së ndërkombëtarëve për heqjen e barrikadave në veri të Kosovës, të njëjtat vetëm se kanë vazhduar të forcohen. Por për këtë, Qeveria e Zvicrës ka një mesazh për të dyja palët (Kosovën dhe Serbinë). Qeveria e Zvicrës i ka bërë thirrje Kosovës dhe Serbisë që të përmbahen nga çdo veprim që mund të përshkallëzojë situatën, njofton nga Berna gazeta zvicerane ne shqip Le Canton27.ch
Sipas qeverisë zvicerane, prania e trupave të KFOR-it dhe EULEX-it është thelbësore për ruajtjen e rendit dhe sigurisë atje.
“I bëjmë thirrje edhe një herë të gjitha palëve që të përmbahen nga çdo veprim që mund të përshkallëzojë më tej situatën. KFOR-i dhe EULEX-i janë thelbësor për ruajtjen e rendit dhe sigurisë për komunitetet lokale në veri të Kosovës”, thuhet në reagimin e Qeverisë së Zvicrës.