-1.7 C
Berne
vendredi 15/01/2021

Presidentja e Kosovës shkarkon djalin e Haxhi Shalës dhe tre konsuj të tjerë te emëruar nga Thaci para se të arrestohet

Presidentja, Vjosa Osmani-Sadriu ka shfuqizuar katër dekrete për konsujt në Pragë, Lubjanë, Shkup e Tiranë.

Media mëson se konsujt që iu janë shfuqizuar dekretet janë: Flakron Shala, i (Prage), Blendi Kilaj (Lubjane), Lindon Kqira (Shkup), dhe Halim Krasniqi (Tirane).

Sipas Osmanit, sa i përket tri rasteve të para, bazuar në praktikën diplomatike e konsullore, konsullatat e përgjithshme, si rregull, nuk hapen dhe konsujt e përgjithshëm nuk emërohen në të njëjtin qytet ku ndodhet edhe Ambasada. Për më tepër, bazuar në informatat që na janë dërguar, për këta konsuj të përgjithshëm nuk kishte ekzekuaturë/pëlqim nga shteti pritës”, thuhet në njoftim.

Ndërkaq, sa i përket rastit të katërt, atij të konsullit në Tiranë, Halim Krasniqit, u.d e Presidentes ka vendosur ta shfuqizojë dekretin për emërimin e konsullit të përgjithshëm, në përputhje me propozimin e Ministrisë së Punëve të Jashtme, propozim ky i cili sipas saj nuk ishte marrë për bazë nga Presidenti paraprak.

Ndryshe, këtë vendim Osmani e kishte paralajmëruar më herët gjatë ditës së mërkurë pasi mediat raportuan për emërimin e Flakron Shalës, djalit të deputetit Haxhi Shala, si Konsull i Përgjithshëm në Pragë.

Vota e Haxhi Shalës ka qenë vendimtare në votimin e Qeverisë aktuale të drejtuar nga Avdullah Hoti.

Gjatë seancës së Kuvendit të Kosovës, kur është votuar për qeverinë e re, deputeti Shala pati deklaruar se ai ka ndryshuar mendimin për ta votuar qeverinë, pasi një natë më parë kishte takuar ish-presidentin e Kosovës, Hashim Thaçin dhe kryetarin e Aleancës për Ardhmërinë e Kosovës, Ramush Haradinaj.

Emërimi i Flakron Shalës në këtë pozitë ishte kundërshtuar edhe nga shoqëria civile në Kosovë.

Kryeministri i Kosovës, Avdullah Hoti ka thënë të mërkurën se ky emërim ishte bërë pa pasur një koordinim me të.

Ai tha se është informuar nga mediat për këtë rast.

Ndërsa vetë Flakron Shala përmes një postimi në rrjetet sociale ka thënë se në pozitën Konsullit të Përgjithshëm është “emëruar sipas ligjit në fuqi”.

“Prindi im, Haxhi Shala, si një deputet i Kuvendit të Republikës së Kosovës nuk ka as më shumë e as më pak autoritet ligjor e politik se deputetët tjerë- pra deputeti nuk ka kompetencë të emëroj apo shkarkoj zyrtarët e MPJ-së dhe as Konsujt e Përgjithshëm”, ka shkruar Shala.

Ushtruesja e detyrës së presidentit, tha përmes komunikatës se “si udhëheqëse e politikës së jashtme, është e përkushtuar që të mbrojë ligjshmërinë dhe profesionalizmin përgjatë emërimeve në shërbimin e jashtëm”.

Osmani është zotuar se do të vazhdojë të insistojë, që të mos tejkalohet kuota e emërimeve politike, e paraparë me Ligjin për Ministrinë e Punëve të Jashtme dhe Shërbimin Diplomatik, dhe që emërimet të bëhen nga radhët e diplomatëve të karrierës.

***

Ushtrues presidentja, Vjosa Osmani-Sadriu ka shfuqizuar katër dekrete për konsujt në Pragë, Lubjanë, Shkup e Tiranë

“Në përputhje me përgjegjësitë e saj kushtetuese si dhe bazuar në praktikat diplomatike e konsullore, u.d. Presidentja, dr.Vjosa Osmani-Sadriu sot ka shfuqizuar katër dekrete për konsuj të përgjithshëm, konkretisht për konsujt e përgjithshëm në Pragë, Lubjanë, Shkup dhe Tiranë”, thuhet në njoftimin e Presidencës.

Sa i përket tri rasteve të para, bazuar në praktikën diplomatike e konsullore, konsullatat e përgjithshme, si rregull, nuk hapen dhe konsujt e përgjithshëm nuk emërohen në të njëjtin qytet ku ndodhet edhe Ambasada. Për më tepër, bazuar në informatat që na janë dërguar, për këta konsuj të përgjithshëm nuk kishte ekzekuaturë/pëlqim nga shteti pritës. Ndërkaq, sa i përket rastit të katërt, atij të konsullit në Tiranë, u.d. Presidentja Osmani ka vendosur ta shfuqizojë dekretin për emërimin e konsullit të përgjithshëm, në përputhje me propozimin e Ministrisë së Punëve të Jashtme, propozim ky i cili nuk ishte marrë për bazë nga Presidenti paraprak.

Si udhëheqëse e politikës së jashtme, u.d. Presidentja është e përkushtuar që të mbrojë ligjshmërinë dhe profesionalizmin përgjatë emërimeve në shërbimin e jashtëm. Ajo do të vazhdojë të insistojë, që të mos tejkalohet kuota e emërimeve politike, e paraparë me Ligjin për Ministrinë e Punëve të Jashtme dhe Shërbimin Diplomatik, dhe që emërimet të bëhen nga radhët e diplomatëve të karrierës.

Derniers articles

William G. Walker: Nuk e di pse Thaci nuk e paditi Serbine për gjenocid, pyetne ate!  Vjosa Osmani, kjo «zonje e hekurt» në krye...

Ambasadori amerikan William G. Walker në bisede me gazetarin nderkombëtar Nefail Maliqin në Gjenevë Prishtinë -Masakra e Reçakut që tronditi botën dhe preku ndërgjegjien njerëzore! Sot...

Zvicra siguron ‘qiellin’ blen avionët luftarak F-18

Bernë -Ushtria e Zvicrës njoftoi të martën se shteti helvetik tani e tutje do të ketë mbrojtje ajrore me aeroplanë luftarakë 24 orë në...

Zvicerani Leuenberger përshëndet marrëveshjen Kurti-Osmani. Ai fton shqiptaret qe te mbeshtesin ekipin e ri qe i siguron perspektivë Kosoves dhe kombit

Gjenevë, 14 janar -Në lokalet e  Kuvendit të Kosovës sot u nenshkrua marrëveshja ndërmjet Lëvizjes Vetëvendosje dhe Iniciativës politike mes Albin Kurit dhe Vjosa...

Beogradi dhe Prishtina të ndale lojën me Presheven ne prag te zgjedhjeve

Shkruan: Nefail MALIQI Si mund t'i besohet sinqeritetit dhe premtimeve te sotme nga ana e PDK-së per Luginen e Preshevës, kur vete Hashim Thaqi dhe...

Zvicra me masa strikte perballe COVID-19, me lëvizje të ngadaltë deri në fund të shkurtit

Berne 13 janar -Këshilli Federal të Mërkurën mori masa të rrepta për të parandaluar një shpërthim të ndotjeve, siç përjetuan vendet e prekura nga...