Bruksel/ NATO, 1 janar -Sa me erdhi ne redaksine tone nje lajm i mire nga selia e NATO-s ne Bruksel: Shqipëria komandon forcat e NATO-s në kufirin Letoni-Rus, njofton gazeta zvicerane Le Canton27.ch
Ushtria shqiptare në NATO ka marrë sot komandën e forcave të Aleancës së Atlantikut të Veriut në Letoni, njofton në profilin e saj në Facebook, Grupi i Betejave të NATO-s në Letoni.
« Kontigjenti shqiptar i Grupit Luftarak eFP në Letoni mori komandën në një ceremoni në kampin Adazi. Ne dëshirojmë të falënderojmë anëtarët e kthyer për punën dhe angazhimin e tyre dhe të mirëpresim anëtarët e rinj të misionit, » tha Grupi Luftarak i NATO-s në Letoni.
Ky misonin i shqiperisë me NATO-n nukeshte i pari nese kemi parasysh angazhimin e forcave shqiptare me forcat e Aleances Veritaltntike gjate vitit 2002-2003, kur Shqipëria dërgon misionin e parë në Afganistan, misioni ISAF, 23 veta nga regjimenti komando, pastaj në Irak, një kompani komando.. Forcat eshqipatre po ashti si pjes ee NATOs shkeli per here te pare edhe tokat shqipare ne Luginen e Presheves
Historiku i marrëdhënieve NATO-Shqiperi nga koha e Berishes deri tek anetarësimi i saj ne vitin 2009
ershor 1992, Shqipëria aplikon dhe pranohet zyrtarisht në Këshillin e Bashkëpunimit të Atlantikut të Veriut (NACC).
Dhjetor 1992, shënohet vizita e parë zyrtare nga Presidenti i Shqipërisë, Z. Sali Berisha, në selinë e NATO-s ku takohet me Sekretarin e Përgjithshëm të Aleancës Z. Manfred Verner.
19 Mars 1993, për herë të parë, viziton Shqipërinë Sekretari i Përgjithshëm i NATO, Manfred Verner.
Maj 1993, Shqipëria pranohet anëtare e Asamblesë së Atlantikut të Veriut.
Janar 1994, NATO lëshoi dokumentin ftesë të Partneritetit për Paqe, duke e përcaktuar atë si një program të drejtpërdrejtë dhe një mekanizëm praktik për të transformuar marrëdhëniet ndërmjet NATO dhe shteteve jo anëtare, kryesisht të ‘Bllokut Lindor”, që nuk përfshiheshin nën “ombrellën e sigurisë” sipas artikullit 5 të saj.
23 Shkurt 1994, Presidenti Dr. Sali Berisha nënshkroi Dokumentin Kuadër të PfP duke e bërë Shqipërinë zyrtarisht anëtare të kësaj iniciative (PfP).
Mars 1998, pala shqiptare u paraqiti vendeve të NATO shqetësimet dhe qëndrimet e saj pas përkeqësimit të situatës në Kosovë.
Viti 1999, gjatë krizës së Kosovës, Shqipëria ofroi lehtësirat e saj aeroportuale në ndihmë të operacionit të NATO në Kosovë dhe mund të thuhet pa mëdyshje se Shqipëria, de facto, reagonte e vepronte sikur te ishte një vend anëtar i NATO.
Maj 2003, Shqipëria, Kroacia dhe Maqedonia së bashku me SHBA nënshkruajnë « Kartën e Adriatik 3 – SHBA » (u konsiderua si një nismë që do të përgatiste hyrjen e të tre vendeve në NATO, sipas shembullit të “Grupit të Vilnusit”)
Në vitin 2009, Shqipëria u anëtarësua në Organizatën e Traktatit të Atlantikut të Veriut NATO, pas përfundimit të ratifikimit të Protokollit të Anëtarësimit nga të gjitha vendet aleate dhe depozitimit të instrumentit të aderimit në NATO në Departamentin e Shtetit që është edhe mbajtësi ligjor i Traktatit të Uashingtonit. Duke u bërë palë e këtij Traktati dhe shtet anëtar i NATO-s, Shqipëria përmbushi një synim strategjik dhe një objektiv parësor të politikës së Jashtme, duke avancuar ndjeshëm në realizimin e interesave të saj kombëtare.