19.9 C
Berne
lundi 20/05/2024

Ka vdekur Papa Benedikti XVI (95)

Papa ka mbyllur sytë në rezidencën e tij në Vatikan. Ai drejtoi Kishën Katolike për më pak se tetë vjet derisa, në vitin 2013, ai u bë Papa i parë që dha dorëheqjen që nga Gregori XII në 1415. Benedikti i kaloi vitet e tij të fundit në manastirin Mater Ecclesiae brenda mureve të Vatikanit.

Më 28 dhjetor, Papa Françesku deklaroi se ish-pontifi 95-vjeçar ishte shumë i sëmurë, duke u kërkuar të gjithëve të luteshin për të. “Dua t’ju kërkoj të gjithëve një lutje të veçantë për Papa Emeritus Benediktin, i cili mbështet Kishën në heshtjen e tij. Ai është shumë i sëmurë. I lutemi Zotit që ta ngushëllojë dhe mbështesë në këtë dëshmi dashurie për Kishën deri në fund”, tha Papa Françesku.

Benedikti ishte 78 vjeç kur në vitin 2005 u bë një nga papët më të vjetër të zgjedhur ndonjëherë. Për pjesën më të madhe të papatit të tij, Kisha Katolike u përball me akuza, pretendime ligjore dhe raporte zyrtare gjatë dekadave të abuzimit të fëmijëve nga priftërinjtë. Në fillim të këtij viti, PapaBenedikti XVI pranoi se ishin bërë gabime në trajtimin e rasteve të abuzimit kur ai ishte kryepeshkop i Mynihut midis viteve 1977 dhe 1982.

Derniers articles