1.5 C
Berne
mardi 23/04/2024

Sipas Escobar, asociacioni serb është pjesë e marrëveshjes, Kosova e ka kuptuar që duhet ta formojë. Por, a e mbeshtet asociacionin e komunave shqiptare ne Serbi?

I dërguari i Posaçëm i Shteteve të Bashkuara të Amerikës për Ballkanin Perëndimor, Gabriel Escobar ka konfirmuar se Asociacioni i komunave me shumicë serbe është pjesë e marrëveshjes bazë, për të cilën kryeministri Albin Kurti dha dje përkrahje, derisa shtoi se ka kuptim nga pala kosovare për këtë çështje.

Në një komunikim me gazetarët, Escobar ka thënë se është obligim që Asociacioni të implementohet dhe se ka pritshmëri të mëdha se një gjë e tillë do të ndodhë.

“Është një obligim ndërkombëtar që duhet të implementohet. Kjo është në marrëveshjen e Brukselit, në këtë marrëveshje (në planin evropian), në konkluzat e Këshillit Evorpian dhe është pjesë e politikës amerikane. Ka pritshmëri se do të formohet, për të ecur përpara. Pozicioni është që duhet të formohet në një mënyrë që përbën fitore për të dyja palët, që të dyja palët të gjejnë kanale bashkëpunimi, për popullatën që ka shtetësi të dyfishtë. Është pritshmëri e madhe e jona që do të implementohet. – tha ai.

Diplomati i lartë amerikan ka thënë se ka kuptim nga pala kosovare se Asociacioni duhet të formohet, ndërsa theksoi se “pyetja tani është se sa shpejt do të ndodhë dhe se sa shpejt do ta pranojë Qeveria e Kosovës”.

“Kjo është, siç e thash, obligim, është në marrëveshjen e Brukselit, në marrëveshjen bazë, është pjesë e politikave të vendeve, ky është një realitet, ëshë fakt objektiv se çfarë po kërkohet nga Kosova që të ecë përpara në procesin evropian. Pyetja është se sa shpejt do të ndodhë, dhe se sa shpejt Qeveria e Kosovës do ta pranojë këtë obligim. Kam besim që me këtë marrëveshje dhe pajtimi që u bë dje, ka kuptim nga pala kosovare që duhet të bëhet.– tha ai.

Escobar, a e mbështetni një Asociacion për shqiptarët në Serbi?

“Pra, unë personalisht besoj se rruga më e mirë përpara për atë komunitet është të insistohet në atë që është e drejtë dhe shëndeti i atij komuniteti të adresohet nga qeveria që i përfaqëson ata”.

Emisari i Shteteve të Bashkuara të Amerikës për Ballkanin Perëndimor, Gabriel Escobar, e ka ritheksuar se Kosova është e obliguar që ta formojë Asociacionin e Komunave me Shumicë Serbe.

Në një intervistë online me gazetarë, ai ka theksuar se dialogu i lehtësuar nga Bashkimi Evropian është duke u bërë për normalizim të marrëdhënieve ndërmjet Kosovës dhe Serbisë dhe jo për njohje të ndërsjellë.

Në pyetjen e klanit nëse Escobar do ta mbështeste formimin e një Asociacioni edhe për komunitetin shqiptar në Serbi, ai ka thënë se një gjë e tillë nuk është e përfshirë në dialogun e lehtësuar nga Bashkimi Evropian.

“Arsyeja që e mbështesim tani në Kosovë është sepse ka të bëjë me një obligim ligjor. Tani të sjellësh palë të tjera dhe struktura të tjera në dialog, kjo varet nga Bashkimi Evropian dhe në procesin evropian të ndërmjetësuar”.

“Pra, unë personalisht besoj se rruga më e mirë përpara për atë komunitet është të insistohet në atë që është e drejtë dhe shëndeti i atij komuniteti të adresohet nga qeveria që i përfaqëson ata”.

“Unë nuk flas për Bashkimin Evropian nëse kjo duhet të përfshihet në dialog apo jo. Krejt çfarë mund të them është se aktualisht nuk është pjesë e dialogut”.

Derniers articles

Mira Murati bëhet zyrtarisht pjesë e Akademisë së Shkencave të Shqipërisë

Shefja e shërbimeve teknologjike të OpenAI, Mira Murati dhe poeti i njohur nga Kosova, Lulzim Tafa, janë pranuar sot si anëtarë të jashtëm të...

Çipa rreth Investigimi i RAI3: Një detaj është implikimi i sekretarit të përgjithshëm të Kryeministrisë. Duhet sqaruar nëse ai ka…

Duke komentuar materialin e transmetuar nga emisioni investigativ më i rëndësishëm italian, “Report”, Aleksandër Çipa, drejtor i News 24 i ftuar në “Open”, tha...

Ne Festivalin e 24-të të filmit ne Gjermani qe fillon neser, në mesin e 100 filmave nga mbare bota, aty edhe filmat nga Kosova...

Bernë, 23 prill -Çdo vit, goEast e transformon kryeqytetin e shtetit Hessian Wiesbaden në një nga vendet më të rëndësishme ndërkombëtare për kinemanë nga...

Serbi (43) para gjykatës zvicerane në Lucern. Akuzohet se goditi me thikë dhe deshi t’ia jep flakën ish-gruas së tij

Nje serb Bojka T. (43) mësohet se ka tentuar të vrasë ish-bashkëshorten duke ndezur një sprej dhe duke e drejtuar spërkatjen drejt saj. Mësohet...

Flamuri i Zvicrës, Kosovës dhe Shqiperisë, në listën e terroristëve, si vende që po e luftjonë ISIS-in

Bernë, 22 prill -Nje adoleshent 15-vjeçar që plagosi rëndë një hebre ortodoks më 2 mars në Cyrih te Zvcrës u radikalizuar në Tunizi dhe...