Bernë, 21 shkurt -Zgjedhjet për kryetar të Komunës së Preshevës, që pritet të mbahen në fund të marsit, kanë aktivizuar një grup mërgimtarësh që të mbështesin për kryetare të kësaj komune kandidaten Ardita Sinani, shkruan gazeta zvicerane ne shqip Le Canton27.ch
Ky Grup i Mërgimtarëve nga Zvicra, Gjermania dhe Austria vlerëson se Sinani është personi i duhur për të menaxhuar me Preshevën dhe ofruar banorëve të saj stabilitet ekonomik e social.
“Ndaj ne si Grup i Mërgimtarëve në Zvicër, Gjermani, Austri i bëjmë thirrje vetëdijes së të gjithë votuesve të Komunës së Preshevës që më datën 28 mars 2021 për të mirën e gjithë neve, për ruajtjen e substancës sonë kombëtare, si dhe zhvillimit ekonomik dhe mirëqenies sociale, duhet votuar Ardita Sinani”, thuhet mes të tjerash në komunikatë.. » transmeton gazeta zvicerane ne shqip Le Canton27.ch
Komunikata e plotë:
Pas një konsultimi dymujor me aktivistë që kanë kontribuar për vendlindjen në 30 vjetët e fundit në çdo aspekt politik, social, humanitar dhe komunikimit me bashkatdhetarë të Komunës Preshevës, që jetojnë dhe veprojnë në Zvicër, Gjermani, Austri dhe bisedimeve të ndryshme është vendosur të formohet:
Grupi i Mërgimtarëve në përkrahje të zonjës Ardita Sinani për kryetare të Komunës së Preshevës.
Zonja Ardita Sinani, sipas vlerësimeve reale dhe tejet konstruktive të këtij grupi ku bëjnë pjesë mërgimtarë të profileve të ndryshme të jetës, jemi të mendimit që është personi më i duhur dhe më i nevojshëm për kryetare të Preshevës.
Ajo posedon kualifikim superior dhe është ekonomiste e diplomuar, me sukses shembullor.
E pajisur me edukatë e kulturë familjare e profesionale, dinjitet familjar e kombëtar.
Ka përvojë të gjatë në profesion. Është kryetare e PVD-së – Dega në Preshevë, ndërsa ka qenë një kohë edhe kryetare e suksesshme e Komunës së Preshevës.
Të gjitha këto veti të saj tregojnë që zonja Ardita Sinani është e brumosur në tërë këtë përvojë të saj jetësore dhe posedon bagazh të madh politik dhe plotëson të gjitha parakushtet që ajo do të jetë një kryetare e mirë e Komunës së Preshevës.
Ndaj, ne si Grup i Mërgimtarëve në Zvicër, Gjermani, Austri i bëjmë thirrje vetëdijes së të gjithë votuesve të Komunës së Preshevës që më datën 28 mars 2021 për të mirën e gjithë neve, për ruajtjen e substancës sonë kombëtare, si dhe zhvillimit ekonomik dhe mirëqenies sociale duhet votuar zonjën Ardita Sinani për kryetare të Komunës së Preshevës.
Këshillat e Grupit:
Zvicër: Burhan Jahiu, Skender Ismaili, Shaip Bajrami, Menderez Zeneli, Arben Murati, Qani Haziri, Bujar Sylejmani, Sylejman Rexhepi dhe Imer Ferati
Gjermani – Austri: Fidan Ibrahimi, Qani Rexhepi, Shenasi Mustafa-Rusi, Imran Rrustemaj dhe Valdrin Hasani
Kosovë: Rexhep Aliu-Depca, Qenan Jashari dhe Vllaznim Shabani.