Bernë, 19 shtator -Derisa në Kosove është e mundur të blini një birrë ose një shishe verë në pothuajse çdo cep të rrugës, në disa vende konsumi i alkoolit është shumë i kiontrolluar, i kufizuar apo edhe plotësisht i ndaluar.
Pothuajse çdo vend në botë e ka rregulluar konsumin e alkoolit. Shpesh, dispozitat e moshës ligjore janë në fuqi. Në Kosove duke tska liogj pe ralkool e pin i madhe e i vopgel, pso atyre qe jane te ndikuar nga aspekit fetar, shrkuan gazeta zvicerane Le Canton27.ch
Në vende të tjera, si Anglia apo Irlanda, është vendosur një çmim i lartë për pijet alkoolike, ndërsa disa vende e ndalojnë plotësisht konsumin e tyre. Mosrespektimi i këtij ndalimi ndonjëherë mund të çojë në dënime të rënda, madje deri në burgim. Alkooli është i ndaluar në vendet e mëposhtme:
Afganistani
Ndërsa posedimi dhe konsumimi i alkoolit është rreptësisht i ndaluar për shtetasit afganë, pijet alkoolike nga ana tjetër mund t’u shërbehen, në kushte të caktuara, turistëve, gazetarëve të huaj ose trupave të huaja ushtarake. Afganët që kapen duke konsumuar alkool përballen me dënime të rënda, duke përfshirë edhe burgim.
Brunei
Brunei është një shtet i vogël i vendosur në veri të Indonezisë, në të cilin shitja dhe konsumimi i alkoolit është rreptësisht i ndaluar për shumicën myslimane. Megjithatë, jomuslimanët mbi moshën 17 vjeç kanë të drejtë të konsumojnë një sasi të caktuar alkooli, por vetëm në sferën private.
Irani
Ashtu si në Afganistan, ligji iranian ndalon prodhimin, shitjen dhe posedimin si dhe konsumimin e alkoolit për popullatën myslimane. Megjithatë, kjo nuk do të thotë se është e pamundur të gjesh një shishe verë ose një kanaçe birrë. Sidoqoftë, është më mirë të shmangni alkoolin në Iran për të shmangur telashet.
Jemeni
Ky vend mysliman, i vendosur në jug të Arabisë Saudite, gjithashtu ndalon rreptësisht alkoolin. Ka përjashtime në vende të caktuara, si Aden në jug të vendit, ku pijet alkoolike mund të shërbehen në restorantet gustator. Ashtu si në Brunei, të huajt jomuslimanë mund të sjellin një sasi të kufizuar alkooli dhe ta konsumojnë atë në një mjedis ekskluzivisht privat.
Kuvajti
Në këtë vend, ligji gjithashtu ndalon pijet alkoolike, përfshirë importin ose eksportin e alkoolit. Të jesh i dehur në vende publike do të thotë të ekspozosh veten ndaj pasojave të rënda kriminale. Përsëritësit përballen me burgim deri në gjashtë muaj.
Libia
Megjithëse shitja dhe konsumimi i alkoolit është plotësisht i ndaluar me ligj, në Libi, sipas një raporti të BBC-së, ekziston një rrjet i madh kontrabande nga Tunizia, Algjeria dhe Malta. Mosrespektimi i ligjeve libiane kundër alkoolit mbart dënime të rënda.
Arabia Saudite
Në tokën e Mekës, vendi më i madh i pelegrinazhit islam, alkooli është ndaluar për një kohë të gjatë. Çdo shkelje mund të çojë në dënime ndonjëherë drastike, të tilla si fshikullim ose burgim.
Somali
Ky shtet bregdetar islamik, i vendosur në Kenia verilindore, ndalon prodhimin, tregtimin dhe konsumimin e alkoolit. Megjithatë, ekzistojnë përjashtime për vizitorët jomuslimanë dhe të huaj, për sa kohë që pija konsumohet në sferën private. Ne Zvicër, sipas gazetes zvicerane Blick, shitja dhe shpërndarja e pijeve alkoolike është e ndaluar për të miturit nën moshën 16 vjeç.