19.9 C
Berne
lundi 20/05/2024

Bruksel, Von Cramon: Jemi te shqetësuar për ankesat e shqiptarëve në Luginën e Preshevës perballe diskriminimit te Beogradit

Bruksel, 5 prill -Raportuesja për Kosovën në Parlamentin e Evropës, Viola von Cramon, ka deklaruar se janë të shqetësuar për mohimin që iu bë shqiptarëve për të votuar në zgjedhjet e 3 prillit në Serbi, njofton gazeta zvicerane Le Canton27.ch

Von Cramon ka shkruar në Twitter se në Luginën e Preshevës u raportuan çështje të të drejtave themelore.

“Në Luginën e Preshevës u raportuan çështje të të drejtave themelore pasi jemi seriozisht të shqetësuar për ankesat e shqiptarëve etnikë të cilëve iu refuzua të votojnë që nga fshirja nga regjistri i gjendjes civile në vendbanimin e tyre, gjë që është e papranueshme dhe do të vazhdojë për këtë!”, ka shkruar ajo.

Më herët, përmes një postimi tjetër në rrjete sociale, eurodeputetja Von Cramon ka thënë se zgjedhjet serbe nuk ishin të lira, duke theksuar se nëse Serbia aspiron për t’u anëtarësuar në Bashkimin Evropian, duhet së pari t’u përmbahet vlerave themelore të BE-së.

Serbia është i vetmi shtet në Evropë që nuk i ka vendosur Rusisë sanksione pas agresionit kundër Ukrainës. Po ashtu linja ajrore Beograd-Moskë nuk i ka ndalur asnjëherë fluturimet, duke nxitur pakënaqësi të mëdha në mesin e disa vendeve të BE-së.

Pas fitores në zgjedhjet e së dielës, Vuçiqi urimin e parë e ka marrë nga presidenti rus, krimineli Vladimir Putin, siç e ka quajtur presidenti amerikan, Joe Biden.

Derniers articles