Berne, 16 maj -Ambasada e Republikës së Kosovës në Zvicër ka dalë me një njoftim për bashkatdhetarët që jetojnë atje. Ata bëjnë thirrje që pajisja me dokumente si pasaporta, fletudhëtime e certifikata të bëhet më herët, para sezonës së verës, njofton gazeta zviceraner Le Canton27.ch
Njoftimi i plotë:
Të dashur bashkshtetas tanë në Zvicër,
Gjatë sezonës së verës shumica prej jush kaloni pushimet në vendlindje, rrjedhimisht është një sezonë me shtim të volumit të punës në konsullatat tona të cilat ofrojnë shërbime për tu pajisur me dokumente të ndryshme si: pasaporta, fletudhëtime, certifikata etj.
Në mënyrë që pritja për të aplikuar të jetë më e vogël, rekomandohet që aplikimi për disa nga dokumentet të bëhet më herët, para sezonës kur kërkesa për këto shërbime është më e vogël.
Prandaj si informata që do të mund t’u ndihmojnë në këtë drejtim janë:
– Aplikimi për ripërtrirje të Pasaportës mund të bëhet deri në 1 vit para afatit të skadimit të dokumentit,
– Certifikatat nga regjistri i gjendjes civile kanë afat të përdorimit deri në 6 muaj,
– Afati i përdorimit të fletudhëtimit është 30 ditë.
Gjithashtu, për shkak të ngarkesës në sistemin telefonik të Ambasadë dhe në Konsullata ku ndonjëherë është i pamundur absorbimi i të gjitha telefonatave, prandaj si mjete alternative komunikimi për të marrë përgjigje në pyetjet e juaja rekomandojmë të kontaktoni nëpërmjet email adresave:
consulate.bern@rks-gov.net
consulate.geneva@rks-gov.net
consulate.zurich@rks-gov.net
embassy.switzerland@rks-gov.net
apo nepermjet messengerit te faqes ne facebook të Ambasada e Republikës së Kosovës në Bernë.
Ju faleminderit për bashkëpunimin dhe mirëkuptimin tuaj!
Me respekt,
Ambasada e Republikës së Kosovës në Bernë.