Më 31 Mars 2023, në përvjetorin e 24 të rënies së dëshmorit Anif A. Muji nga Struzha, u shënuan një mori aktivitetesh në përkujtim të veprës së tij për çlirimin e trojeve shqiptare dhe mbrojtjen e gjuhës shqipe, shkruan gazeta zvicerane ne shqip Le Canton27.ch
Në shkollën fillore e cila mban emrin e tij, të cilëne drejtoi për vite, u organizua program artistik, ShFMU « Anif Muji« – Struzhë« . Ndërsa në varrezat e Dëshmorëve në Landovicë u bënë homazhe për ta nderuar veprën e tij. Edhe diaspora shqipatre qe organzuar mire duike perkujtuarb heropin toen nga Prizreni, ku ne Itali mergmitaret nga Struzhja organizuan nje « Memorial Struzhjan« . Sipas tyre, « dëshmorët kanë veç ditëlindje, ata lindin në çdo përvjetor, ata nuk shuhen kurrë, janë si lulet që çelin në pranverën e lirisë… »
Për nder të kësaj date të veçantë të shënimit të ditës së dëshmorit Anif Muji, tashmë organizohet edhe Ora Tradicionale Letrare
Në përvjetorin e 24 të rënies së tij në Altarin e Lirisë, kjo Orë Letrare ishte edhe më e veçantë këtë vit. Është më e veçantë sepse rrugën e tij që kishte nisur me laps e që e mbaroi me pushkë, sot e vazhdon me penën e saj vajza e dëshmorit, Teuta AnifMuji. Teuta, poetja tashmë e dëshmuar në poezinë e saj, pikërisht në këtë datë, në këtë Orë Letrare promovoi librin e saj të dytë, të titulluar ‘MELODI NË HESHTJE’, një libër me 64 poezi i cili numër përket me vitin e lindjes së babait të saj, tashmë Dëshmor i Kombit, shkruan gazeta zvicerane ne shqip Le Canton27.ch
Libri është një lloj premtimi prej autores ndaj babait të saj, jetën do ta vazhdojë me melodi në heshtje duke e kujtuar gjithmonë me krenari dhe duke e mbajtur gjallë emrin e tij me penë.
Në këtë Orë Letrare, e cila u mbajt në Librarinë Altera në Prizren, morën pjesë një numër i madh poetësh e botuesish, përfaqësues të shoqatave letrare, drejtorë bibliotekash e nga drejtoria e Arsimit, familjarë, mediat (TV Prizreni dhe HTV live), studentë e nxënës, autorë nga të gjitha trojet shqiptare.
Botimi u mbështet nga Komuna e Prizrenit. Për librin folën botuesi nga shoqata për kulturë dhe art « Fidani », Prizren, z. Berat Batiu, redaktori, IlamBerisha, etj.
Teuta, poetja prizrenase në librin e saj të dytë poetik ‘MELODI NË HESHTJE’, këndon këngën e saj përmes vargjeve që i burojnë thellë nga shpirti i saj fisnik e femëror. Ajo nuk hesht edhe pse melodia e heshtur ka rënë në vesh të shurdhër tek njerëzimi, ajo beson se heshtja nuk është mashtrim, heshtja është paqe e shpirtit, është melodia më e bukur e jetës.
Vlen të thuhet që në këtë Orë Letrare edhe promovimi i librit si dhe data e përvjetorit të heroit Anif Muji, natyrisht që u shoqërua me emocione të shumta si nga ato të dhimbjes, krenarisë, pra një sërë emocionesh që e bënë edhe më madhështore këtë ditë të shënuar për dëshmorin dhe familjen e tij.
Lavdi veprës së dëshmorit Anif Muji!
Urime e suksese poetes Teuta A. Muji!